Kerfill - ßtak til ey­ingar

á Sveipjurtin skˇgarkerfill er mj÷g ˙tbreidd Ý Eyjafjar­arsveit og hefur ß ßkve­num svŠ­um nß­ a­ ■ekja stˇr svŠ­i. Vori­ 2008 hˇfust skipulegar a­ger­ir

┴tak til ey­ingar kerfils

Kerfilsbreiða í Eyjafjarðarsveit

 

Sveipjurtin skógarkerfill er mjög útbreidd í Eyjafjarðarsveit og hefur á ákveðnum svæðum náð að þekja stór svæði. Vorið 2008 hófust skipulegar aðgerðir við að hefta útbreiðslu jurtarinnar í sveitinni. Síðastliðin 5 ár hefur sveitafélagið lagt töluverða fjármuni í eyðinguna auk þess að hafa fengið til þess styrki af fjárlögum ríkissjóðs. Lögð hefur verið áhersla á að landeigendur komi að stefnumörkun og vinnu við eyðinguna, enda ljóst að til að halda plöntunni niðri þarf stöðuga árvekni og viðbrögð.

Barátta síðustu 5 ára hefur skilað talsverðum árangri en þó ekki eins miklum og væntingar stóðu til. Til eyðingarinnar hefur einkum verið notað gjöreyðingarlyf en aðferðir eins og beit og sláttur virðast ekki ná að útrýma skógarkerfli af svæðum þó þær vissulega haldi honum niðri að einhverju leyti. Landeigendur hafa séð um úðun á sínu landi og sveitafélagið hefur lagt til eitur. Þá hefur sveitafélagið staðið fyrir ýmsum rannsóknum á lífeðlisfræði og framvindu plöntunnar. Vorið 2014 varð ákveðin stefnubreyting í átakinu í kjölfar þess að nýlegar rannsóknir benda til  þess að umtalsverð neikvæð umhverfisáhrif séu af notkun á gjöreyðingarlyfjunum Round-up/Clinic en þau lyf hafa einkum verið notuð síðastliðin ár. Umhverfisnefnd sveitafélagsins telur það mikið ábyrgðarhlutverk að standa fyrir notkun á þessum lyfjum í landbúnaðarhéraði þar sem mikil matvælaframleiðsla á sér stað. Nefndin leggur því til að hér eftir verði lögð áhersla á að koma í veg fyrir landnám kerfils inn á svæði sem nú þegar eru nánast hrein og reyna að sporna við frekar útbreiðslu hans á svæðum þar sem lítið sem ekkert er af honum. Í ljósi þess hefur nefndin ákveðið að sveitarfélagið taki ábyrgð á opnum svæðum og vegköntum og sjái um útrýmingu á þeim svæðum. Landeigendur eru þó áfram hvattir til að hefta útbreiðslu hans með öllum tiltækum aðgerðum (slætti, beit, stinga hann upp o.s.frv) og hafa jafnframt í huga að notkun á gjöreyðingarlyfi er neyðarúrræði. Þeir landeigendur sem kjósa að eitra í sínu landi geta nálgast eitur gegn sanngjörnu gjaldi á skrifstofu sveitarfélagsins. Verðlistann má sjá hér.

Ýmsar upplýsingar um plöntuna skógarkerfil má sjá hér.

Síðan átakið hófst hefur framvinda þess verið metin árlega og hér að neðan má sjá skýrslur um hvernig til hefur tekist.
Skýrslu ársins 2011 má sjá hér.
Skýrslu ársins 2010 má sjá hér.
Skýrslu ársins 2008 má sjá hér.

SvŠ­i

Skrifstofa Eyjafjar­arsveitar

Skólatröð 9
601 Akureyri
Sími: 463 0600 Fax: 463 0611
Netfang: esveit@esveit.is
Kennitala: 410191-2029
Opnunartími: 10:00 - 14:00 

Pˇstlisti

Skráðu þig á póstlistann hjá okkur og fáðu fréttir og fleira.??

Mynd augnabliksins