Eyjafjarðarsveit

Hreyfidagskrá 60+ komin af stað

Tue, 15 Sep 2026 11:39:00 +0000

Búið er að uppfæra dagskrá 60+ aldurshópsins fyrir veturinn. Félag eldri borgara í Eyjafjarðarsveit, Ungmennafélagið Samherjar og Eyjafjarðarsveit sameinast um gerð fjölbreyttrar hreyfidagskrár fyrir aldurshópinn og lítur hún svona út í vetur:

Fundarboð 682. fundar sveitarstjórnar Eyjafjarðarsveitar

Tue, 15 Sep 2026 10:45:00 +0000

FUNDARBOÐ 682. fundur sveitarstjórnar Eyjafjarðarsveitarverður haldinn í fundarstofu 2, Skólatröð 9, fimmtudaginn 17. september 2026 og hefst kl. 08:00.

Íþróttavika Evrópu 23. - 30. september

Thu, 10 Sep 2026 11:34:00 +0000

Íþróttavika Evrópu verður haldin 23. - 30. september n.k. samkvæmt venju. Markmið verkefnisins er að kynna íþróttir og almenna hreyfingu og sporna gegn auknu hreyfingarleysi meðal almennings. Íþróttavikan er ætluð öllum, óháð aldri, bakgrunni eða líkamlegu ástandi. Lögð er sérstök áhersla á að virkja grasrótina og hvetja fólk til að hreyfa sig meira í daglegu lífi. Íbúar Evrópu koma saman í þessu verkefni undir slagorðinu #BEACTIVE. Aðgangur að viðburðum íþróttavikunnar er án endurgjalds. Ungmennafélagið Samherjar mun bjóða upp á opnar æfingar í ýmsum íþróttagreinum auk þess sem félagasamtök og einkaaðilar munum opna sína starfsemi. Þá verður frítt í sund þessa viku. Fjölskyldufjör verður í íþróttamiðstöðinni laugardaginn 26. september í umsjá ungmennafélagsins en þar munu fjölskyldur geta komið saman milli kl. 16 og 18 og leikið sér í ýmsum íþróttum. Enn er hægt að koma viðburðum á dagskrá íþróttavikunnar og eru áhugasamir beðnir um að hafa samband við Karl Jónsson íþrótta- og tómstundafulltrúa á netfanginu karlj@esveit.is ef þeir hafa hugmyndir sem vert væri að skoða nánar. Dagskrá íþróttavikunnar verður birt í næstu viku.

10 ára starfsafmæli í íþróttamiðstöðinni

Wed, 09 Sep 2026 15:46:00 +0000

Ásta Heiðrún Stefánsdóttir á um þessar mundir 10 ára starfsafmæli í Íþróttamiðstöð Eyjafjarðarsveitar. Ásta hefur staðið vaktina allt frá því í september 2016 og af þessu tilefni var skellt í smá kaffisamsæti henni til heiðurs. Við óskum Ástu til hamingju með þessi tímamót.

Kynningarfundur um starfsemi félagsmiðstöðvarinnar Hyldýpis

Mon, 07 Sep 2026 11:23:00 +0000

Kynningarfundur um starfsemi félagsmiðstöðvarinnar Hyldýpis næsta starfsár verður haldinn í matsal Hrafnagilsskóla, miðvikudaginn 9. september kl. 19.30. Þar munum umsjónar- og ábyrgðarmenn félagsmiðstöðvarinnar kynna starfið í vetur. Mikilvægt er að foreldrar mæti á fundinn og sérstaklega foreldrar nýrra þátttakenda í starfinu.

Bókasafnið opnar miðvikudaginn 9. september

Thu, 03 Sep 2026 13:15:00 +0000

Opnun Bókasafns Eyjafjarðarsveitar eftir sumarfrí dregst til miðvikudagsins 9. september. Beðist er velvirðingar á töfinni. Til að byrja með verður bókasafnið opið fyrir almenning þrisvar í viku: Mánudaga kl. 14:00–17:00 Miðvikudaga kl. 14:00–17:00 Föstudaga kl. 14:00–16:00

Fundarboð 681. fundar sveitarstjórnar Eyjafjarðarsveitar

Tue, 01 Sep 2026 13:34:00 +0000

FUNDARBOÐ 681. fundur sveitarstjórnar Eyjafjarðarsveitar verður haldinn í fundarstofu 2, Skólatröð 9, fimmtudaginn 3. september 2026 og hefst kl. 08:00.

Sorphirða sunnan Miðbrautar frestast vegna veikinda

Mon, 31 Aug 2026 11:40:00 +0000

Sorphirða sunnan Miðbrautar frestast mánudaginn 31. ágúst vegna veikinda

Brúarland og Brúnagerði – auglýsing á niðurstöðu sveitarstjórnar

Thu, 27 Aug 2026 14:19:00 +0000

Sveitarstjórn Eyjafjarðarsveitar samþykkti á fundi sínum 20.08.2026 breytingu á Aðalskipulagi Eyjafjarðarsveitar 2018-2030 vegna Brúarlands (ÍB15) og breytingu á deiliskipulagi íbúðarbyggðar Brúnagerðis, áfanga A og B samkvæmt 32., 41. og 42. gr. skipulagslaga nr. 123/2010. Athugasemdir bárust á auglýsingartímabili skipulagstillaganna og má sjá afgreiðslu sveitarstjórnar í fundargerð á heimasíðu sveitarfélagsins, www.esveit.is og á skipulagsgátt www.skipulagsgatt.is undir málum nr. 333/2025 og 1107/2025.

Ert þú á aldrinum 16-20 ára og vilt hafa áhrif í gegnum ungmennaráð Eyjafjarðarsveitar?

Wed, 26 Aug 2026 13:47:00 +0000

Framlengdur umsóknarfrestur út sunnudaginn 6. september á esveit@esveit.is Um launaða fundarsetu er að ræða og greitt er samkvæmt taxta sveitarfélagsins. Sveitarstjórn auglýsir eftir áhugasömum aðilum á aldrinum 16-20 ára til tveggja ára setu í ungmennaráði. Um er að ræða tvo aðalmenn og tvo varamenn. Helstu verkefni og skyldur er að finna hér í Erindisbréfi fyrir ungmennaráð Eyjafjarðarsveitar.

Hrossasmölun og stóðréttir 2026

Wed, 26 Aug 2026 11:50:00 +0000

Gangangaseðlar vegna hrossasmölunar eru tilbúnir. Hrossasmölun 2026 verður 2. október og stóðréttir 3. október.

Hrafnabjörg (Höskuldsstaðir og Jódísarstaðir) – deiliskipulag frístundasvæðis F6 - Kynning skipulagslýsingar

Tue, 25 Aug 2026 13:29:00 +0000

Sveitarstjórn Eyjafjarðarsveitar samþykkti á fundi sínum þann 20. ágúst 2026 að kynna fyrirliggjandi gögn vegna fyrirhugaðs deiliskipulags frístundasvæðis F6 í landi Höskuldsstaða og Jódísarstaða, í samræmi við 3. mgr. 40. gr. skipulagslaga nr. 123/2010. Markmið skipulagsvinnunnar er að skapa grundvöll fyrir uppbyggingu fimm frístundalóða á sunnan- og vestanverðu svæðinu. Gert er ráð fyrir að lóðirnar verði um 10.000–21.500 m² að stærð.

Aðalskipulag Eyjafjarðarsveitar 2025-2037 Auglýsing tillögu

Tue, 25 Aug 2026 13:00:00 +0000

Sveitarstjórn Eyjafjarðarsveitar samþykkti á 680. fundi sínum þann 20.08.2026 að auglýsa tillögu að Aðalskipulagi Eyjafjarðarsveitar 2025–2037 í samræmi við 31. gr. skipulagslaga nr. 123/2010. Aðalskipulagið er stefnumótandi áætlun fyrir allt sveitarfélagið þar sem mörkuð er stefna um m.a. landnotkun, byggðaþróun, samgöngur og umhverfismál. Samhliða er auglýst tillaga að forsendum og umhverfisskýrslu skv. 15. gr. laga um umhverfismat áætlana nr. 111/2021. Tillögurnar eru aðgengilegar í Skipulagsgátt undir málsnúmeri 759/2025 og jafnframt er hægt að kynna sér gögn á skrifstofu Eyjafjarðarsveitar, Skólatröð 9 auk þess sem þau eru aðgengileg á heimasíðu sveitarfélagsins: www.esveit.is. Fyrirspurnir um málið má senda á sbe@sbe.is. Þeim sem telja sig eiga hagsmuna að gæta er hér með gefinn kostur á að koma með ábendingar og athugasemdir við tillögurnar. Ábendingar og athugasemdir þurfa að vera skriflegar og skulu berast í gegnum Skipulagsgátt í síðasta lagi 7. október 2026.

Vetraropnun íþróttamiðstöðvar

Thu, 20 Aug 2026 13:49:00 +0000

Íþróttamiðstöðin skiptir yfir í vetrartíma laugardaginn 22. ágúst. Eins og áður verður opið mánudaga til fimmtudaga kl. 6.30 - 8 og 14 - 22, föstudaga 6.30 - 8 og 14 - 19 og um helgar frá kl. 10 - 19. Alla rauða daga verður svo opið skv. helgaropnunartíma. Þökkum fyrir gæfuríkt sumar og hlökkum til að sjá ykkur í vetur 🙂

Fundarboð 680. fundar sveitarstjórnar Eyjafjarðarsveitar

Tue, 18 Aug 2026 11:29:00 +0000

FUNDARBOÐ 680. fundur sveitarstjórnar Eyjafjarðarsveitar verður haldinn í fundarstofu 2, Skólatröð 9, fimmtudaginn 20. ágúst 2026 og hefst kl. 08:00. Dagskrá:

Þjóðaratkvæðagreiðsla 29. ágúst

Fri, 14 Aug 2026 11:10:00 +0000

Kjörfundur Kjörstaður í Eyjafjarðarsveit verður í Félagsborg (Skólatröð 9) gengið er inn um inngang að skrifstofum Eyjafjarðarsveitar. Á kjörstað gerir kjósandi grein fyrir sér með framvísun skilríkja með mynd eða á annan fullnægjandi hátt. Hægt er að sýna stafræn ökuskírteini sem eru aðgengileg Ísland.is appinu https://island.is/okuskirteini Kjörfundur hefst kl. 10:00 og lýkur kl. 20:00. Atkvæðagreiðsla utan kjörfundar Atkvæðagreiðsla utan kjörfundar við embætti Sýslumannsins á Norðurlandi eystra fer fram sem hér segir: Strandgata 1 (Landsbankahúsið við Ráðhústorgið á Akureyri) Virka daga: kl. 10-15 Kjörskrá Kjörskrá liggur almenningi til sýnis á skrifstofum Eyjafjarðarsveitar en opið er á skrifstofunum virka daga frá kl. 10:00 til 14:00. Á kjörskrá skal taka þá sem uppfylla skilyrði 4. gr. kosningalaga nr. 112/2021 og skráðir eru með lögheimili í sveitarfélaginu samkvæmt íbúaskrá þjóðskrár miðað við 22. júlí 2026. Einnig er hægt að fletta sér upp á https://www.skra.is/folk/kjorskra-og-kosningar/hvar-a-eg-ad-kjosa/ Kjörstjórn Eyjafjarðarsveitar Sigríður Hrefna Pálsdóttir, Linda Margrét Sigurðardóttir og Þór Hauksson Reykdal

Sundlögin okkar

Mon, 10 Aug 2026 17:24:00 +0000

Karlakór Eyjafjarðar heldur tónleika í sundlauginni í Hrafnagilshverfi fimmtudaginn 27. ágúst kl. 20.00. Tónleikarnir eru styrktir af Þjóðminjasafni Íslands og Menningar-, nýsköpunar- og háskólaráðuneytinu. Þeir eru hluti af dagskrá "Sundlaugasumars 2026" en verkefnið var sett af stað í kjölfar skráningar íslenskrar sundlaugarmenningar á lista UNESCO yfir óáþreifanlegan menningararf. Aðgangur er ókeypis og geta gestir annað hvort verið í sundlaug eða pottum - á meðan "húsrúm leyfir," eða staðið á sundlaugarbakkanum.

Tvær íbúðir til leigu í Skólatröð

Fri, 07 Aug 2026 12:54:00 +0000

Eyjafjarðarsveit auglýsir til leigu íbúð fyrir eldri borgara í raðhúsinu að Skólatröð 6. Þá er auglýst til leigu íbúð á annarri hæð í Skólatröð 7. Leigist hún út sem almenn leiguíbúð.

Fram í fjörð 2026

Fri, 07 Aug 2026 11:56:00 +0000

Sjá nánar hér....

Gangnaseðlar 2026 UPPFÆRT

Fri, 07 Aug 2026 11:29:00 +0000

Gangnaseðlar 2026 vegna sauðfjár liggja nú fyrir og má nálgast hér fyrir neðan.