Handverkshátíð | Handverkshátíð

Handverkshátíð lögð niður í núverandi mynd

Thu, 30 Mar 2023 12:29:00 +0000

Aðildarfélög Handverkshátíðar hafa ákveðið að hátíðin hafi nú farið fram í síðasta sinn í núerandi mynd en erfitt reyndist að byggja henni aftur grundvöll að loknum heimsfarandri Covid.

Endurskipulagning Handverkshátíðar

Fri, 15 Jul 2022 13:22:00 +0000

Ákveðið hefur verið að ráðast í endurskipulagningu á Handverkshátíðinni en félögin sem að hátíðinni standa finna fyrir breyttu landslagi eftir heimsfaraldur Covid. Til þess að þróast í takt við óskir og hugmyndir sem fram hafa komið þarf að vanda til verka, óska eftir umsögnum og hugleiðingum sýnenda, fastagesta og annarra sem að sýningunni koma. Svo vel megi ganga er því gott að hafa góðan tíma til undirbúnings en faraldurinn hefur nú þegar gefið okkur tíma til að íhuga breytingar og tækifæri til að huga að því sem vel hefur verið gert og því sem betur má fara. Öll vinna í kringum hátíðina er sjálfboðavinna í fjáröflunarskyni fyrir þau fjölmörgu félög sem að henni standa og því er mikilvægt að vanda til verka og gefa sér nægan tíma. Hefur því verið ákveðið að Handverkshátíð muni ekki fara fram í sumar en strax í haust mun skipuleggjendum, sýnendum og örðum áhugasömum verða boðið á málþing um endurskipulagningu Handverkshátíðarinnar.

Handverkshátíð með óhefðbundnu sniði og í samstarfi við Matarstíg Helga magra

Tue, 27 Apr 2021 17:01:00 +0000

Stjórn og aðstandendur Handverkshátíðar hefur tekið ákvörðun um að hátíðin muni fara fram með óhefðbundnu sniði í ár vegna óvissu um áhrif heimsfaraldurs. Handverkshátíð og Matarstígur Helga magra hafa tekið höndum saman fyrir sumarið 2021 og munu vera með reglulega bændamarkaði þar sem lögð verður áhersla á mat og handverk úr Eyjafjarðarsveit.

Handverkshátíð í Eyjafjarðarsveit frestað til 2021

Tue, 28 Apr 2020 16:49:00 +0000

Í ljósi aðstæðna í samfélaginu vegna Covid-19 faraldursins hefur stjórn Handverkshátíðarinnar í samvinnu við aðildarfélög ákveðið að fresta hátíðinni fram til ársins 2021. Ákvörðunin var tekin að vel ígrunduðu máli í samráði við helstu samstarfsaðila. Ákvörðunin var erfið en nauðsynleg í ljósi aðstæðna og útgefinna leiðbeininga um samkomur. Undirbúningur er hafinn að Handverkshátíð 2021.

OPIÐ FYRIR UMSÓKNIR Á HANDVERKSHÁTÍÐ 2020

Tue, 17 Mar 2020 14:58:00 +0000

Opnað hefur verið fyrir umsóknir á Handverkshátíð 2020. Nú þegar hafa borist fjölmarkar umsóknir svo það er ljóst að Hátíðin í haust verður spennandi og fjölbreytt. Árlega sækja 10-15 þúsund gestir Handverkshátíðina á Hrafnagili í Eyjafjarðarsveit. Handverkshátíðin 2020 er ein rótgrónasta hátíð landsins og verður hátíðin í ár sú 28. í óslitinni röð frá upphafi. Hátíðin hefur heldur verið að sækja í sig veðrið undanfarið og árið 2019 voru yfir 120 sýnendur og ljóst er að mikil gróska er í íslensku handverki og hönnun.

Handverkshátíð 2020

Fri, 06 Mar 2020 14:48:00 +0000

Opnað verður fyrir umsóknir um þáttöku á Handverkshátíð í Hrafnagili 2020 um miðjan mars.