Álagning sorphirðugjalda breytist

06.02.2025

Fréttir

Frá og með áramótum breyttist gjaldskrá sorphirðugjalda og verður því með öðruvísi sniði heldur en hefur verið undanfarin ár. Gjaldtakan byggir á meginreglunni um „borgað þegar hent er“ (BÞHE), í samræmi við svæðisáætlun um meðhöndlun úrgangs á Norðurlandi (2023) og ákvæði laga nr. 55/2003 um meðhöndlun úrgangs en vegna þeirra þurfti að breyta samsetningu gjaldskrárinnar og hefja gjaldtöku á gámasvæði/söfnunarstöð sveitarfélagsins. Íbúar munu nú taka eftir nýrri gjaldskrá á álagningarseðli fasteigna.

Á álagningarseðlinum munu íbúar nú finna eftirfafrandi:

Blandaður úrgangur

Líf úrgangur (norðan miðbrautar)

Pappi og pappír

Plast

Rekstur grenndar- og söfnunarstöðva

Sú breyting verður á að gámasvæðið/söfnunarstöð Eyjafjarðarsveitar mun á næstunni taka upp rafrænt klippikortakerfi. Allar íbúðir fá úthlutað 16 klippa korti þar sem hvert klipp dugar fyrir 0,25 rúmmetrum (u.þ.b. einn stór ruslapoki) og er það innifalið í sorphirðugjöldunum. Þeir sem eiga frístundahús/sumarhús fá úthlutað 8 skipta klippikorti. Þegar klippikorta kerfið hefur verið innleitt verður ekki lengur tekið við greiðslum á gámasvæðinu sjálfu.

Á næstu misserum mun að auki verða innleitt nýtt tunnukerfi í sveitarfélaginu. Tekur það mið af því að ein tunna bætist við hvert heimili þannig að pappír og plast verði hvort um sig flokkað í sér tunnu. Því mega íbúar gera ráð fyrir að innan skamms verði þrjár tunnur í hefðbundnu sorphirðukerfi við hvert heimili. Gjaldskráin gerir ráð fyrir að skipta gjaldinu til helminga milli flokkanna tveggja og losunartíðninni þar með svo það leiði ekki til hækkunar á gjöldum vegna losunar þeirra. Samanlögð tíðni losana helst því óbreytt en samkvæmt grænum dögum á sorphirðudagatalinu verður pappír þá losaður í annað hvert skipti og plast hitt skiptið .

Gjaldskrána sorphirðu í Eyjafjarðarsveit:

Gjaldflokkur	Skýring	Upphæð
510240	Blandaður úrgangur 240 l	19.632 kr
510360	Blandaður úrgangur 360 l	29.541 kr
510660	Blandaður úrgangur 660 l	47.354 kr
511000	Blandaður úrgangur 1000 l	64.200 kr
520060	Líf úrgangur, hólf	4.586 kr
520140	Líf úrgangur 140 l	32.000 kr
520360	Líf úrgangur 360 l	39.000 kr
540240	Pappi og pappír 240 l	3.500 kr
540360	Pappi og pappír 360 l	8.000 kr
540660	Pappi og pappír 660 l	17.583 kr
541000	Pappi og pappír 1000 l	28.444 kr
550240	Plast 240 l	3.500 kr
550360	Plast 360 l	8.000 kr
550660	Plast 660 l	17.583 kr
551000	Plast 1000 l	28.444 kr
590001	Rekstur grenndar- og söfnunarstöðva	21.000 kr
590002	Rekstur grenndar- og söfnunarstöðva sumarhús	10.500 kr

Lögaðilar og aukatunna
610240	Blandaður úrgangur 240 l, lögaðili	26.632 kr
610360	Blandaður úrgangur 360 l, lögaðili	40.732 kr
610660	Blandaður úrgangur 660 l, lögaðili	57.155 kr
611000	Blandaður úrgangur 1000 l, lögaðili	79.758 kr
640240	Pappi og pappír 240 l, lögaðili	13.903 kr
640360	Pappi og pappír 360 l, lögaðili	18.403 kr
640660	Pappi og pappír 660 l, lögaðili	27.986 kr
641000	Pappi og pappír 1000 l, lögaðili	38.847 kr
650240	Plast 240 l, lögaðili	13.903 kr
650360	Plast 360 l, lögaðili	18.403 kr
650660	Plast 660 l, lögaðili	27.986 kr
651000	Plast 1000 l, lögaðili	38.847 kr

Til baka í yfirlit