Efnistökusvæði í Eyjafjarðarsveit – breyting á aðalskipulagi
Sveitarstjórn Eyjafjarðarsveitar auglýsir
hér með tillögu að breytingu á aðalskipulagi Eyjafjarðarsveitar 2005-2025 vegna efnistökusvæða og umhverfisskýrslu
áætlunarinnar.
Skipulagið nær til alls sveitarfélagsins.
Markmið tillögunnar er að ná heildarsýn yfir efnistöku innan sveitarfélagsins, tryggja framboð efnis en jafnframt stýringu á efnistöku,
með tilliti til verndar og viðhaldi lífríkis. Reynt skal að hafa vegalengdir vegna efnisflutninga sem stystar en að efnistaka verði þó á
tiltölulega fáum stöðum í einu.
Skipulagið, sem er sett fram í greinargerð og á uppdrætti og fylgiskjöl með skipulaginu ásamt umhverfisskýrslu eru til sýnis á
skrifstofu Eyjafjarðarsveitar. Tillögurnar liggja einnig frammi á Skipulagsstofnun og á heimasíðu sveitarfélagsins
www.eyjafjardarsveit.is
Hverjum þeim aðila sem telur sig eiga hagsmuna að gæta er gefinn kostur á að gera athugasemdir við tillöguna. Frestur til að gera athugasemdir við
tillöguna er til og með 8. mars 2011. Athugasemdir skulu vera skriflegar og berast skrifstofu Eyjafjarðarsveitar.
Sveitarstjóri Eyjafjarðarsveitar
Fundur hjá Búnaðarfélagi Eyjafjarðarsveitar
Búnaðarfélag Eyjafjarðarsveitar heldur fund í Garðsfjósinu fimmtudaginn 27. janúar 2010, kl.10:30. Gestur fundarins verður Magnús B.
Jónsson nautgriparæktarráðanautur Bændasamtaka íslands. Skoðaðir verða gripir í fjósinu og flutt erindi um nautgriparækt. Allir
velkomnir. Kaffiveitingar.
Stjórnin
Frá Samherjum
Nú er vorönn formlega hafin hjá Samherjum og um að gera fyrir unga sem aldna að stunda fjölbreyttar íþróttir á vegum félagsins. Eins
og sjá má á stundatöflunni á heimasíðu félagsins (www.samherjar.is) er nóg í boði og auðvelt að stunda fjölbreytta hreyfingu með ódýrum
hætti. Vakin er athygli á því að æfingagjöld gilda sem opinn aðgöngumiði í allar greinar að vild. Slíkur
sveigjanleiki er líklega einsdæmi hjá starfandi íþróttafélagi.
æfingagjöldum hjá Samherjum er mjög stillt í hóf. Félagið greiðir niður æfingagjöldin með styrkjum og fé sem aflað er
með sjálfboðastarfi félagsmanna.
Gjöldin á vorönn eru eftirfarandi:
A) Börn og unglingar að 16 ára aldri
> 10.000 kr á hvert barn á önn.
> Einungis er rukkað eitt gjald fyrir hvert barn þótt æfðar séu fleiri íþróttagreinar.
> Mest er rukkað fyrir tvö systkini, eða að hámarki kr 20.000.
Stjórnin hvetur börn og unglinga að stunda sem flestar greinar.
B) Fullorðnir
> 15.000 kr á mann óháð fjölda greina.
> æfingagjöld geta því mest orðið 50.000 kr á heimili á önn
í vor bætist borðtennis við sem grein fyrir unga sem aldna undir styrkri stjórn Sigurðar Eiríkssonar. það er
mikilvægt fyrir félagið að sem flestir nýti sér það sem í boði er því að góð þátttaka er forsenda
þess að hægt sé að halda úti öflugu íþróttastarfi í Eyjafjarðarsveit.
Allar upplýsingar má finna á vef Samherja www.samherjar.is
Kæru sveitungar
Fimmtudaginn 3. febrúar ætla nemendur í 10. bekk að halda bingó í Laugarborg. Veglegir vinningar og veitingasala. Nánar auglýst í
næsta föstudagspósti.
Kveðja, nemendur í 10. bekk
Almanak þroskahjálpar 2011
Listaverkaalmanak Landssamtakanna þroskahjálpar er prýtt myndum eftir Erró og kostar 2.000 kr. Að venju er almanakið einnig "happdrættismiði"
þar sem vinningar eru myndir eftir fremstu listamenn þjóðarinnar á sviði grafíklistarinnar. Dregið er mánaðarlega og er hægt að
skoða vinninga á throskahjalp.is ágóði af sölu almanaksins rennur til reksturs samtakanna.
þar sem enginn mun keyra um sveitina og selja Almanakið fyrir okkur að þessu sinni, vil ég benda þeim á sem vilja nálgast almanakið, að hafa
samband við mig í síma 862-2472 og við finnum leið til að hittast.
Kolbrún Ingólfsdóttir, formaður þroskahjálpar á Norðurlandi eystra
Aðalfundur kvenfélagsins Iðunnar
Aðalfundur kvenfélagsins Iðunnar verður haldinn 5. febrúar 2011, kl. 11 í Laugarborg. Nýjar konur velkomnar.
Kveðja stjórnin
Er ekki tími til kominn að dansa !!!
Cha cha, Samba, Jive, Enskur vals, Vínar vals, Tjútt, gömlu dansarnir og margt fleira.
Byrjendahópur verður á þriðjudögum, ef næg þáttaka fæst, kl. 21.00, 10 skipti og byrjar 1. febrúar. Konuhópurinn verður
á sínum stað á þriðjudögum kl. 20.00-21.00 og byrjar einnig 1. febrúar.
Nú svo ef einhverjir kunna nú eitthvað fyrir sér í dansinum en hafa tekið sér pásu þá er framhaldshópur á fimmtudögum
kl. 19.30. Kennsla fer fram í Laugarborg.
Nánari upplýsingar í síma 891-6276.
Danskveðjur, Elín Halldórsdóttir
Allt á fullu hjá Góða dátanum Svejk
Já, við vildum nú bara aðeins minna á okkur. Góði dátinn Svejk verður frumsýndur í febrúar. þarna er, eins og
áður hefur komið fram, ærslafullur gamanleikur á ferðinni.
Leikgerð; Colin Teevan. Leikstjóri; þór Tulinius
Núna er til sölu í Eymundsson Akureyri (2. hæð) gjafabréf á sýninguna. Almennt verð á sýningu mun verða kr. 2.900 kr. en
gjafabréfin eru seld á kr. 2.500.
Bestu kveðjur: Freyvangsleikhúsið
Aðalfundur Hestamannafélagsins Funa
Aðalfundur Hestamannafélagsins Funa verður haldinn í Funaborg 7. febrúar kl. 20.30. Dagskráin auglýst síðar.
Stjórnin
Hesthúspláss til sölu á Melgerðismelum
Til greina kemur að selja hesthúspláss á Melgerðismelum, stakar stíur, eða jafnvel húsið í einu lagi. áhugasamir hafi samband við
Huldu í Kálfagerði í síma 866-9420.
Hulda
Ferðamálafélag Eyjafjarðarsveitar - stofnfundur
Boðað er til stofnfundar Ferðamálafélags Eyjafjarðarsveitar í Félagsborg miðvikudaginn 26. janúar kl. 20.30. þeir sem stunda
ferðaþjónustu í sveitarfélaginu og áhugamenn um málefnið eru hvattir til að mæta.
Undirbúningsnefnd
