Námskeið í Rainbow Reiki 1 heilun
Sunnudaginn 18. janúar verður fyrirlestur um heilun,Rainbow Reiki 1, í Silvu Eyjafjarðarsveit. Fyrirlesturinn hefst kl. 20:00. Helgina 23.-25. janúar verður haldið námskeið í framhaldi af fyrirlestrinum. Fyrirlesari er Unnur Guðrún Gunnarsdóttir Rainbowreikimeistari og kemur hún til landsins frá Noregi
16. janúar og verður til 26. janúar. Ef að þú vilt fræðast meira um Rainbow Reiki þá viljum við benda á heimasíðu Unnar; Rainbow Reiki i Nittedal
Hægt er að skrá sig á facebook á unnurgudrun@gmail.com og í s: 894-4264 Sjálf mun ég, Laugheiður Gunnarsdóttir, gefa upplýsingar á facebook og í s:894-4264. Allir hjartanlega velkomnir og vonandi sjáum við sem flesta.
Laugheiður og Unnur Guðrún Gunnarsdætur
Kvenfélagsheimboð
Þriðjudaginn 20. janúar kl. 19:30 býður kvenfélagið Aldan - Voröld kvenfélagskonum í Eyjafjarðarsveit í mat og áhugaverðan fyrirlestur með Jóhanni Inga Gunnarssyni sálfræðingi. Heimboðið verður í Laugarborg. Þátttaka tilkynnist hjá formönnum fyrir sunnudaginn 18. janúar.
Hittumst kátar og hressar.
Aldan – Voröld
Bóndadagsgleði 2015
Nú eru alltaf færri og færri miðar í boði fyrir þá sem eiga eftir að tryggja sér pláss á Bóndadagsgleðinni sem haldin verður í Funaborg á sjálfan bóndadaginn 23. janúar næstkomandi. Þar er aðeins húsrými fyrir 140 manns. Miðaverð er óbreytt frá fyrri árum eða 5.500 kr. Húsið opnar
kl. 20:00 og hefst borðhald stundvíslega kl. 20:30. Sitthvað bitastætt verður á boðstólnum og ætti að sefa jafnt hungur sem hláturþörf. Maturinn er innifalinn í verðinu en sjálf þurfið þið að leggja til góða skapið og drykkjaföng. Hljómsveit hússins spilar fyrir dansi.
Miðar verða seldir í Gullbrekku 21. janúar milli mjalta.
Ef þig langar til að koma eða vantar aðrar upplýsingar skaltu óhikað hafa samband við eftirfarandi aðila með viðeigandi hætti.
Hafdís, Leyningi - hafdisds@simnet.is
Þórólfur, Grænuhlíð – s.848-4672 eða í skilaboðum á facebook
Lilla, Brekku – s.867-8104
ATH - ALLIR VELKOMINIR! aldurstakmark 16 ára á árinu.
Skemmtinefnd Framfirðinga
Töpuð hross
Brúnn hestur 5 vetra og brún meri 3ja vetra hafa ekki fundist í fjallinu ennþá. Ef einhver veit hvar þau eru niðurkomin þætti mér vænt um að frétta af því
Vilberg s: 893-2842
Fyrirlestur um hestamennsku
Funi býður hestamönnum og öllum sem hafa áhuga á hestamennsku á fyrirlestur með tamningameistaranum Benedikt Líndal. Benni er einn okkar fremsti reiðmaður og tamningamaður. Hann hefur þróað sínar aðferðir og kennt víða hér heima og erlendis. Benni hefur gefið út mikið af kennsluefni sem allt miðar að hestvænni nálgun við tamningu og þjálfun. Hvetjum alla áhugasama til að mæta og fá beint í æð hugmyndir Benna um samband manns og hests. Fyrirlesturinn fer fram mánudaginn 19. janúar í Funaborg
kl. 20:00. Fylgist með á funamenn.is
Fræðslunefnd Funa
Þorrablót Eyjafjarðarsveitar 2015
www.facebook.com/ThorrablotEsveit
Þorrablót Eyjafjarðarsveitar verður haldið í íþróttahúsi Hrafnagilsskóla laugardaginn 31. janúar næstkomandi. Húsið verður opnað kl. 19:45 og blótið sett kl. 20:30.
Veislustjóri kvöldsins er kerling Gullna hliðsins, María Pálsdóttir frá Reykhúsum, og verður kvöldið hlaðið gríni og glensi.
Hljómsveitin Einn og sjötíu leikur fyrir dansi og heldur uppi fjörinu langt fram á nótt. Aldurstakmark er 1998.
Að vanda mæta gestir með trogin sín full af dýrindis kræsingum, bæði vel og illa lyktandi! Glös verða á staðnum en gestir hafa með sér annan borðbúnað. Gos- og kaffisala verður í húsinu til fjáröflunar Umf. Samherja.
Miðapantanir og miðasala:
Tekið verður á móti miðapöntunum sem hér segir:
Miðvikudaginn 21. janúar kl. 20:00-22:00
Fimmtudaginn 22. janúar kl. 20:00-22:00
Þorbjörg s: 868-3492 og Randver s: 899-7788
Sala aðgöngumiða fer fram í anddyri íþróttahúss Hrafnagilsskóla:
Mánudaginn 26. janúar kl. 20:00-22:00
Þriðjudaginn 27. janúar kl. 20:00-22:00
Miðaverð 4.500 kr. - Ath. posi á staðnum
Ósóttir miðar verða seldir öðrum.
Mætum öll og fögnum þorranum saman eins og okkur einum er lagið
Þorrablótsnefnd Eyjafjarðarsveitar 2015
