Auglýsingablaðið

 Æskulýðsdagar Norðurlands - eru að vanda þriðju helgina í júlí, að þessu sinni dagana 13.-15. júlí. Skráningu má senda á netfangið annasonja@gmail.com, í síðasta lagi fimmtudaginn 12. júlí. Ítarlega dagskrá má sjá á heimasíðu Funa www.funamenn.is. Fullt af fjöri í boði fyrir bæði polla, börn, unglinga og ungmenni! Sjáumst 😊
Æskulýðsnefnd hestamannafélagsins Funa.

 Fréttatilkynning
Þriðjudaginn 10. júlí næstkomandi verður myndlistarsýningin "Heim að sumri" opnuð kl. 16.00 í listaskálanum að Brúnum í Eyjafjarðarsveit.
Á sýningunni verða verk þriggja systkina, Kristínar, Kristjáns og Eysteins frá Munkaþverá. Verkin eru frá löngu tímabili og eru af ýmsum toga, svo sem teikningar, grafík, vatnslitamyndir og þrívíð verk. Systkinin ólust öll upp á Munkaþverá fram á fullorðinsár þar sem foreldrar þeirra, Jón M. Júlíusson og Solveig Kristjánsdóttir, bjuggu á hluta jarðarinnar um langt skeið. Á sýningunni verður einnig sýnd stutt kvikmynd í lit sem nefnist "Kóngur í ríki sínu" og er hún um elsta bróðurinn í systkinahópnum, Einar Jónsson. Myndina gerði Valdimar Leifsson kvikmyndagerðarmaður 1999. Þá verður einnig sýnd stutt svarthvít kvikmynd sem Þrándur Thoroddsen kvikmyndargerðarmaður tók í Munkaþverárrétt haustið 1956.
Hjónin Einar Gíslason og Hugrún Hjörleifsdóttir eiga og reka listaskálann á Brúnum sem er aðeins í 14 kílómetra fjarlægð frá Akureyri.

Rainbow Crystal Heart - Hjarta regnbogakristalsinsUm helgina 6. - 8. júlí verður Sólarljósið með samkomu þar sem við ætlum að njóta náttúrunnar, fara í gönguferðir, yoga og vera í samveru við hvort annað. Samkoman byrjar kl. 14.00 á föstudag og stendur til kl. 17:00 á sunnudag. Sjá alla dagskrána á FB síðu Sólarljós Siggu. Verð fyrir alla helgina er 10.000,-kr. og er allt innifalið nema matur og gisting. Tengt þessu verða tónleikar seiðkvenna á föstudagskvöld kl. 21:30, verð 1.500,-kr. og kakóhelgiathöfn á laugardeginum kl. 15:00. 3.000,-kr.
Með kærri kveðju og ljósi frá Sólarljósinu, megi hjarta þitt geisla í litum regnbogans og til þess að það sé hægt þá þurfum við ljósið og tárin.
Nánari upplýsingar í síma 863-6912.

Stafgöngukennsla 10. júlí
Þriðjudagskvöldið 10. júlí kl. 20:00 mun Ásdís Sigurðardóttir, framkvæmdastjóri UMSE, bjóða upp á kennslu í stafgöngu. Mæting í anddyri Íþróttamiðstöðvar Eyjafjarðarsveitar. Mæta þarf í góðum skóm, helst strigaskóm, og taka með sér brosið og góða skapið. Ásdís kemur með stafi.
Kennslan er öllum að kostnaðarlausu. Allir velkomnir.
Stjórn Umf. Samherja.

 Vinnudagur
Kæru félagar og velunnarar, vinnudagur verður á Melgerðismelum laugardaginn 7. júlí nk. Mæting klukkan 12:00 í Funaborg.
Komum saman og tökum til hendinni við ýmis verk. Grill og reiðtúr um kvöldið.
Vinsamlegast tilkynnið þátttöku á netfangið annakrarna@simnet.is.
Stjórn Funa.

Til sölu fótboltamark  
Upplýsingar í síma 617-5203, Ívar. 

Bændadagar í Eyjafjarðará eru eftirtaldir:
10. júlí
7. ágúst
11. september
    

Veiðireglur eru:
Sleppa verður ÖLLUM veiddum bleikjum á veiðisvæðum 3, 4 og 5.
Heimilt er að hirða 1 bleikju undir 50 cm á vakt á svæðum 0, 1 og 2.
Heimilt er að hirða 2 urriða/sjóbirtinga á stöng á vakt á öllum svæðum.
Nánari upplýsingar veitir Rósberg í síma 820-1107.

Leikskólinn Krummakot í Eyjafjarðarsveit vill ráða starfsfólk - framtíðarstarf.

Um er að ræða 100% stöður deildarstjóra/leikskólakennara/leiðbeinanda
Leikskólakennari, leikskólaliði eða starfsmaður með aðra menntun sem nýtist í starfi og/eða reynslu af vinnu með ungum börnum óskast til starfa í leikskólann Krummakot.

Leikskólinn er í Hrafnagilshverfi, aðeins tíu kílómetra sunnan Akureyrar.

Við mat á umsóknum er horft til eftirfarandi:
• Leyfisbréf sem leikskólakennari, uppeldismenntun eða önnur menntun sem nýtist í starfi
• Reynsla af uppeldis- og kennslustörfum með ungum börnum æskileg
• Metnaður og áhugi til að þróa gott skólastarf
• Lipurð í samskiptum
• Góð íslenskukunnátta

Sjá nánar á heimasíðu Eyjafjarðarsveitar www.esveit.is
Frekari upplýsingar veitir Erna Káradóttir leikskólastjóri í síma 464-8120, netfang erna@krummi.is.

Umsóknarfrestur er til og með 1. ágúst 2018.
Umsóknum skal fylgja ferilskrá og upplýsingar um meðmælendur.
Umsóknir skal senda til leikskólastjóra á netfangið erna@krummi.is.