Auglýsingablaðið

Auglýsingablað 1153. tbl. 14. árg. 10. ágúst 2022.

Álagning fjallskila 2022

Þeir sem halda allt sauðfé og öll hross heima eru beðnir að tilkynna það til skrifstofu Eyjafjarðarsveitar í seinasta lagi þriðjudaginn 16. ágúst með tölvupósti á póstfangið esveit@esveit.is eða í síma 463-0600. Lagt verður á eftir forðagæsluskýrslum þeirra sem sleppa á afrétt. Þá verður lagt á eftirgjald í fjallskilasjóð kr. 60 fyrir hverja kind og hvert hross sömu aðila.

Gangnadagar 2022

1. göngur verða gengnar 1.-4. september.
2. göngur verða tveim vikum síðar þ.e. 16.-18. september.

Hrossasmölun verður föstudaginn 30. september. Stóðréttir verða 1. október.
Árið 2023 verður hrossasmölum 6. október og stóðréttir 7. október.

Frá Félagi eldri borgara í Eyjafjarðarsveit
Haustferð Félags eldri borgara í Eyjafjarðarsveit verður farin miðvikudaginn 31. ágúst nk. Farið verður um Skagafjörð og ekið fyrir Skaga. Staðkunnugur leiðsögumaður verður með í ferðinni. Viðkomustaðir verða m.a. Búminjasafnið Lindabæ, Grettislaug Reykjaströnd, súpa og brauð í KK restaurant Sauðárkróki, Spákonuhof Skagaströnd, miðdegiskaffi í Skagabúð, Kálfshamarsvík, kirkjan í Ketu og svo kvöldverður á Löngumýri. Kostnaður á mann verður kr. 18.000 og leggist inn á reikning 0302-26-001038, kt. 251041-4079 fyrir 25. ágúst. Brottför frá Félagsborg verður samkvæmt venju kl. 9:00 og frá Skautahöllinni kl. 9:15. Tilkynning um þátttöku þarf að berast fyrir 25. ágúst til Reynis, sími 862-2164, Jófríðar, sími 846-5128 eða Ólafs, sími 894-3230.
Ferðanefndin.

Afgangs Draumar
Myndlistarsýning Aðalsteins Þórssonar opnar föstudaginn 12. ágúst kl. 17:00 í Einkasafninu Eyjafjarðarsveit.
Safnstjórinn býr til einstaka inn og útsetningu á lóð safnsins.
Einkasafnið er verkefni myndlistarmannsins Aðalsteins Þórssonar, það stendur við syðri enda þjóðvegar 822 Kristnesvegar u.þ.b. 1 km norðan Hrafnagilshverfis. Vefsíða: www.steini.art

Sýningin er opin helgarnar 13.-14. og 20.-21. ágúst, frá kl. 14:00–17:00.
Aðgangur er ókeypis, allir eru velkomnir.

Verkefnið er styrkt af Eyjafjarðarsveit og SSNE.

Aðalfundur Fjarðarkorns ehf verður haldinn á Brúnum (Brúnir Horse) þriðjudaginn 16. ágúst kl. 13:00. Á dagskrá verða venjuleg aðalfundarstörf og léttar veitingar.

Hvetjum alla til að mæta því nú höfum við ekki fundað í á að verða þriðja ár og nú eru tímamót í íslenskri kornrækt og brýn þörf á að ræða hvert hlutverk Fjarðarkorns ehf eigi að vera í nauðsynlegri uppbyggingu kornræktarinnar hér á svæðinu.

Stjórn Fjarðarkorns ehf.

MELGERÐISMELAR 2022
Helgina 13.–14. ágúst verður gæðingakeppni, töltkeppni og kappreiðar.

Gæðingakeppni A og B flokkur, ungmenna-, unglinga-, og barnaflokkur. Tölt T3 og síðast en ekki síst kappreiðar úr startbásum og 100 m flugskeið.

Hvetjum við alla sem hafa gaman af því að fara hratt að taka þátt í kappreiðunum úr básunum þar sem notast verður við rafræna tímatöku. Úr þeim verður startað í 150 m og 250 m skeiði, 250 m brokki og 250 m stökki svo allir ættu að finna eitthvað við sitt hæfi.

Skráningar á mótið fara fram í gegnum Sportfeng og verður opnað fyrir skráningar mjög fljótlega.
Mótshaldarar áskilja sér rétt á að fella niður greinar ef næg þátttaka næst ekki.

Skorum á fólk að taka helgina frá, heyrst hefur að spáin á Costa del Melgerðismelar sé svakaleg og nóg pláss á tjaldsvæði og engin ástæða til annars en að eiga saman góða helgi.

Stjórn og mótanefnd Funa.

Til sölu einangraður gámur, í mjög góðu standi, er í Eyjafjarðarsveit.
Hefur verið notaður sem vinnustofa, linolium dúkur á gólfi,
1 rafmagnsofn, 3 gluggar. Stærð: 18 fermetrar (3 x 6 m).
Verð 1.250.000 kr.
Upplýsingar í síma 856-1579 og 862-5640.