Fréttayfirlit

Frá Björgunarsveitinni Dalbjörgu: Hin árlega reykskynjarayfirferð Dalbjargar verður farin helgina 1. – 2. nóvember. Þetta verður með svipuðu sniði og undanfarin ár, við munum fara í öll hús í sveitinni og selja rafhlöður fyrir reykskynjara og einnig er hægt að panta slökkvitæki og sjúkrakassa hjá okkur.
Einnig munum við hafa Neyðarkallinn til sölu sömu helgi. Sala á honum er góð fjáröflun fyrir hjálparsveitina og því vonumst við eftir góðum móttökum eins og undanfarin ár.
Nánari upplýsingar hjá Elmari í síma 8917981.

Anna Guðný Guðmundsdóttir píanóleikari heldur tónleika í Tónlistarhúsinu Laugarborg sunnudaginn 26. október  kl. 15.00. Efnisskrá: Oliver Messiaen / Tuttugu tillit til Jesúbarnsins

Tilefni tónleikanna er aldarafmælis tónskáldsins og hálfrar aldar afmæli píanóleikarans.

Eins og fram hefur komið hér á heimasíðunni okkar, stendur íþrótta- og tómstundanefnd Eyjafjarðarsveitar fyrir leikjaskóla fyrir 3. – 5. ára börn nú á haustmánuðum.
Ritstjórn heimasíðunnar bárust skemmtilegar myndir frá fyrstu kennslustundinni sem sjá með því að smella á tengilinn hér að neðan.

Myndir frá leikjaskóla ÍTE

FRÉTTATILKYNNING FRÁ TÓNLISTARHÚSINU LAUGARBORG

Tónleikar fimmtudaginn 23. október kl. 20.30
Aðgangseyrir kr. 2.000,-

Flytjendur:
Margot Kiis / söngur
Gunnar Hrafnasson / kontrabassi

Á dagsskránni verða ýmis erlend og íslensk djasslög í útsetningum eftir Margot og Gunnar.

Sundleikfimi fyrir aldraða

Leikjaskóli fyrir börn á aldrinum 3. – 6. ára

Íþrótta og tómstundanefnd Eyjafjarðarsveitar stendur fyrir 2 námskeiðum  nú í haust.
Upplýsingar um námskeiðin má fá með að smella á tenglana hér að neðan.

Leikjaskóli fyrir börn á aldrinum 3. – 6. ára

Sundleikfimi fyrir aldraða

Samkvæmt fréttum frá Símanum er nú loks séð fyrir endann á uppsetningu ADSL  og Sjónvarpi Símans í Reykárhverfi. Þeir notendur sem eru innan 6 km línuleiðar frá stöð, geta nýtt fulla þjónustu kerfisins en hún takmarkast við lengri leiðir. Í prófun er nýr búnaður hjá Símanum sem gerir kleift að flytja ADSL og Sjónvarpsmerkið á lengri línuleiðum. Reikna má með að sá búnaður verið tekin í notkun á nýju ári.