Fréttayfirlit

Páskabingó Umf. Samherja

Umf Samherjar halda páskabingó í Laugarborg þriðjudagskvöldið 7. apríl n. k.
Auglýsingu Samherja má sjá hér.
01.04.2009

Páskaopnun Smámunasafns

smamunasafn_logo_120

Munið Smámunasafnið um páskana. Opið 9. - 13. apríl milli kl. 13:00 og 18:00. Ný sýning opnuð og falin páskaegg.
Verið velkomin www.smamunasafnid.is

25.03.2009

Aðal- og deiliskipulag - Ölduhverfi


A.    Auglýsing um breytingu á aðalskipulagi.
Í samræmi við 18. gr. skipulags- og byggingarlaga nr. 73/1997, með síðari breytingum, er hér með auglýst til kynningar tillaga að breytingu á Aðalskipulagi Eyjafjarðarsveitar 2005 – 2025. Breytingin fellst í að fellt er út svæði(FS1 - FS7) fyrir frístundabyggð og er svæðið minnkað allmikið að vestanverðu. Jafnframt stækkar íbúðarsvæði allnokkuð. Svæðið liggur norðan Reykárhverfis og sunnan Kristness. Gert er ráð fyrir að á svæðinu geti risið allt að 200 einbýlishús og er íbúðarsvæðið 70 ha að stærð.

Sjá aðalskipulagsuppdrátt hér


B.    Auglýsing um nýtt deiliskipulag.
Í samræmi við 25. gr. skipulags- og byggingarlaga nr. 73/1997, með síðari breytingum, er hér með auglýst tillaga að nýju deiliskipulagi í Eyjafjarðarsveit. Tillagan gerir ráð fyrir nýrri íbúðarbyggð í landi Kropps, hverfið nefnist Ölduhverfi. Deiliskipulagið gerir ráð fyrir 197 einbýlishúsalóðum sem eru á bilinu 1200m2 - 4000m2.

Sjá deiliskipulagsupdrátt hér

Sjá greinargerð með deiliskipulagi hér


Tillögur þessar verða til sýnis á skrifstofu Eyjafjarðarsveitar að Syðra - Laugalandi og á heimasíðu sveitarfélagsin www.eyjafjardarsveit.is frá og með 25. mars 2009.
Frestur til að gera athugasemdir við tillögurnar er til og með 6. maí 2009. Athugasemdir skulu vera skriflegar.
Hver sá sem ekki gerir athugasemd við tillögurnar fyrir auglýstan frest telst samþykkur þeim.

Jafnframt er áður birt auglýsing í Lögbirtingarblaðinu 10. desember s. l. afturkölluð.

Syðra-Laugarland 24. mars 2009.
F.h. sveitarstjórnar,
Stefán Árnason, skrifstofustjóri.

23.03.2009

Auglýsing frá Skjólbeltasjóði Kristjáns Jónssonar

Skjólbeltaræktendur í fyrrum Öngulsstaðahreppi geta sótt um styrk í Skjólbeltasjóð Kristjáns Jónssonar.

17.03.2009

Tónleikar í Laugarborg

Þórir Jóhannsson og Sólveig Anna JónsdóttirÞórir Jóhannsson kontrabassaleikari & Sólveig Anna Jónsdóttir píanóleikari halda tónleika í Laugarborg 13. mars kl. 20.30 & Dalvíkurkirkju 15. mars kl. 16.00   
Á efnsiskránni verða verk eftir Schubert, Bottesini, Koussevitzky, Fauré, Oliver Kentish og Karólínu Eiríksdóttur.

AÐGANGUR AÐ TÓNLEIKUNUM ER ÓKEYPIS
12.03.2009

Vínland í Freyvangsleikhúsinu


vinland779_120Vínland er fjölmennur söngleikur eftir Helga Þórsson sem gerist á tímum víkinga  meðal norrænna manna á Grænlandi og svo færist sögusviðið yfir til Vínlands í Ameríku. Sagan fjallar um; ástir og örlög, kristni og heiðni, víkinga og indjána, gleði og sorgir en umfram allt mennskuna sem alltaf er söm við sig í gegnum allar aldir.
04.03.2009

Aðalfundur UMF Samherja

Aðalfundur Ungmennafélagsins Samherja verður haldinn mánudaginn 2. mars, kl. 20:30.

Dagskrá:
- Venjuleg aðalfundarstörf
- Lagabreytingar
- Starfið framundan
- Önnur mál

Kaffi og veitingar í boði
Fjölmennum!

Stjórnin.

 

16.02.2009

Val á draumasveitarfélaginu

Eyjafjarðarsveit  er útnefnt í 3. sæti við val á  draumasveitarfélaginu árið 2008, vegna ársins 2007, í Vísbendingu, vikuriti um viðskipti og efnahagsmál.
Vísbending gefur sveitarfélögunum einkunn samkvæmt nokkrum mælikvörðum sem vikuritið gengur út frá og fær Eyjafjarðarsveit 6,7. 
16.02.2009

MYRKIR MÚSIKDAGAR 2009


Tónlistarhúsið Laugarborg

Emil Friðfinnsson, horn
Þórarinn Stefánsson, píanó

Emil og Þórarinn verða fulltrúar Myrkra Músikdaga fyrir norðan en þeir félagar áttu frábæra tónleika í Hafnarborg sl. þriðjudag.  Þeir munu endurtaka stórglæsilega dagskrá sína í Tónlistarhúsinu Laugarborg föstudaginn 13. febrúar n. k. kl. 20.00 (ekki 19.30 eins og stendur í hátíðarbæklingi).
Á dagskránni eru m.a. verk eftir Tryggva M. Baldvinsson, Jónas Tómasson og Óliver Kentish.
 
12.02.2009

Sýndu hvað í þér býr


Nú fer bráðlega fram námskeiðið: "Sýndu hvað í þér býr" sem er á vegum UMFÍ, Bændasamtakanna og Kvennfélagasambands Íslands.
Tvö námskeið verða haldin hér í Eyjafirðinum, 4. og 5. febrúar.
Markmiðið með námskeiðinu er að efla starf aðildarfélaganna og þjálfa einstaklinga til starfa. Þátttakendur í námskeiðinu fá þjálfun í ræðumennsku og fundarsköpum.
Námskeiðið er öllum opið.
26.01.2009