Fréttayfirlit

Fundur sveitarstjórnar Eyjafjarðarsveitar

Fundur sveitarstjórnar verður haldinn miðvikudaginn 30. september kl. 15:00 í fundarstofu sveitarstjórnar, Skólatröð 9.
29.09.2015

Hrossasmölun og hrossaréttir 2015

Hrossasmölun verður föstudaginn 2. október og hrossaréttir laugardaginn 3. október sem hér segir: Þverárrétt kl. 10:00 Melgerðismelarétt kl. 13:00 Gangnaseðlar verða sendir þeim sem lagt er á og einnig birtir á netinu. Fjallskilanefnd
23.09.2015

Íslenska og vinnustundir á unglingastigi - Kynningarfundur á Bókasafni Eyjafjarðarsveitar

Miðvikudaginn 23. september verður kynningarfundur kl.20.00 fyrir foreldra nemenda á unglingastigi og aðra áhugasama. Kennarar á unglingastigi munu kynna breyttar áherslur í íslenskukennslu á unglingastigi og vinnustundir sem er nýleg kennsluaðferð í Hrafnagilsskóla. Erindi frá kennurum standa yfir í 40-50 mínútur og gert er ráð fyrir umræðum og spurningum í lokin. Við hvetjum alla áhugasama til að koma og taka þátt í uppbyggilegu samræðum um nám og kennslu ungmenna. Hlökkum til að sjá sem flesta, Lilja, Páll, Ása og Hans
16.09.2015

Þjóðarsáttmáli um læsi

Þjóðarsáttmáli um læsi milli Eyjafjarðarsveitar og mennta- og menningarmálaráðuneytisins var undirritaður s.l. mánudag. Í sáttmálanum felst skuldbinding af hálfu beggja aðila um að vinna að framförum í lestri og læsi á næstu fimm árum. Þegar meðaltal síðustu fimm ára í lesskilningshluta samræmdra prófa í 10. bekk í íslensku í Hrafnagilsskóla eru gerðar sambærilegar við niðurstöður PISA frá 2012 þá ná 75% nemenda skólans því markmiði að geta lesið sér til gagns (gögn frá Menntamálastofnun 2015). Það er verkefni sveitarstjórnar, skólanefndar, Hrafnagilsskóla og Krummakots og foreldra að ná því marki að yfir 90% nemenda Hrafnagilsskóla nái að lesa sér til gagns.
02.09.2015

Úrslit í bæjakeppni Funa 2015

Við viljum þakka öllum þeim bæjum og húsum sem tóku þátt í bæjakeppninni og styrktu þar með starf hestamannafélagsins Funa. Úrslit í öllum flokkum má sjá hér
02.09.2015

FUNDARBOÐ 468. fundar sveitarstjórnar

468. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, miðvikudaginn 2. september 2015 og hefst kl. 15:00
28.08.2015

Göngur og réttir 2015

Fyrstu fjárgöngur verða 5. og 6. september og aðrar göngur 19. og 20. september. Norðan Fiskilækjar verða fyrstu göngur 12. september og aðrar göngur 26. september. Hrossasmölun verður 2. október og hrossaréttir 3. október. Gangnaseðlar verða sendir út föstudaginn 28. ágúst en þá má einnig sjá hér fyrir neðan
28.08.2015

Ljósleiðari í Eyjafjarðarsveit

Starfsmenn á vegum Tengis munu á næstu dögum koma við á þeim bæjum sem eru á svæðinu frá Sólgarði að Hólsgerði, bæði austan og vestan ár. Starfsmennirnir vilja kanna áhuga íbúa á ljósleiðaratengingu og skoða aðstæður með húseigendum ásamt því að svara spurningum ef einhverjar eru. Rétt er að benda á að eigendur sumar- og frístundahúsa þurfa sjálfir að hafa samband við Tengi í s: 460 0460 hafi þeir áhuga á að tengjast ljósleiðara. Það er mun ódýrara að fá tenginguna meðan á framkvæmdunum stendur heldur en fá hana síðar. Tengir ehf.
26.08.2015

Göngur og réttir 2015

Fyrstu fjárgöngur verða 5. og 6. september og aðrar göngur 19. og 20. september. Norðan Fiskilækjar verða fyrstu göngur 12. september og aðrar göngur 26. september. Fjárréttir verða sem hér segir: Hraungerðisrétt 5. september kl. 16.00 Þverárrétt ytri 6. september kl. 10.00 Möðruvallarétt 6. september kl. 15.00 Hrossasmölun verður 2. október. Stóðréttir verða sem hér segir: Þverárrétt ytri 3. október kl. 10.00 Melgerðismelarétt 3. október kl. 13.00 Gangnaseðlar verða sendir út á næstunni og verða einnig birtir hér á heimasíðunni.
19.08.2015

Fundarboð 467. fundar sveitarstjórnar

467. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, miðvikudaginn 19. ágúst 2015 og hefst kl. 15.00
17.08.2015