Fréttayfirlit

Félagsheimilið Freyvangur var vígt að kvöldi sumardagsins fyrsta, 25. apríl árið 1957 og er því 60 ára um þessar mundir.

Eyfirski safnadagurinn verður haldinn á morgun, sumardaginn fyrsta. Opið er á Smámunasafninu frá kl. 13-17 og frítt er inn.

Tilkynning frá Gámaþjónustunni: Af óviðráðanlegum ástæðum seinkar sorphirðu á endurvinnslutunnum sem vera átti í dag. Reynt verður að klára hringinn í fyrramálið 20.apríl.

Smámunasafn Sverris Hermannssonar verður opið alla páskana milli kl. 13-17. Páskaeggjaleit verður alla dagana á safninu.

495. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, 12. apríl 2017 og hefst kl. 15:00

Skrifstofa Eyjafjarðarsveitar hefur sent út ávísanir á íþrótta- og hreyfistyrk til allra barna 6-17 ára. Athygli er vakin á að bréfið er ávísunin og má nota hana upp í æfingagjöld og fleira skv. reglum um íþrótta- og hreyfistyrk. Með þessu fyrirkomulagi er vonast til að nýting á styrkjunum verði almennari og verði um leið hvatning til barna og ungmenna að hreyfa sig.

Opið er á Pálmasunnudag kl. 10:00-17:00. Opið verður 13. - 17. apríl kl. 10:00-20:00. Hlökkum til að sjá ykkur, starfsfólk Íþróttamiðstöðvar Eyjafjarðarsveitar

Foreldrafélög Hrafnagilsskóla, Krummakots og Ungmennafélagið Samherjar boðuðu til fundar um málefni barna í Eyjafjarðarsveit. Fundurinn var haldinn í Laugarborg 14. mars síðastliðinn og mættu 52 íbúar. Miklar umræður sköpuðust og var almennt góður andi yfir fundinum. Helstu niðurstöður voru þær að mikil ánægja er með samstarf milli Ungmennafélagsins, leik-, grunn- og tónlistarskóla. Margir kostir felast í litlum skólum og samfélagi. Persónuleg tengsl eru meiri og þjónustustigið hátt. Eitt af því sem var nefnt að betur mætti fara er að fundir með foreldrum og starfsfólki væru fleiri og betur sóttir.

Vart hefur orðið við fólk í óskilgreindum könnunarleiðangri heim að íbúðarhúsi hér í sveit og hafði nokkuð sem ætla verður óeðlilegan áhuga á fasteignum. Af þessu tilefni er því beint til íbúa að fylgjast með sínu umhverfi og skilja hús ekki eftir ólæst. Skrifstofan

Veiðifélag Eyjafjarðarár mælist til þess að efnistaka úr og við Eyjafjarðará fari ekki fram á veiðitíma árinnar, sem er frá 1. apríl til 15. maí og síðan frá 21. júní til 30. september.