Fréttayfirlit

Óvenjumargir gestir komu á skrifstofu Eyjafjarðarsveitar í dag þar sem mörg börn lögðu leið sína til okkar og tóku söng í von um að fá góðgæti að launum. Nokkrar myndir voru teknar af þessum duglegu krökkum.

Íþróttamiðstöð Eyjafjarðarsveitar óskar eftir að ráða konu til starfa. Um hlutastarf er að ræða, sem er ein kvöldvakt í viku (ca. 20%). Möguleiki á einhverri aukavinnu og afleysingum. Í starfinu felst m.a. sundlaugargæsla, afgreiðsla, þrif, og baðvarsla. Áhersla er lögð á sjálfstæð vinnubrögð, þjónustulund, stundvísi og jákvæðni. Viðkomandi verður m.a. að hafa hreint sakavottorð og geta staðist hæfnispróf sundstaða. Umsóknarfrestur er til og með 25. febrúar. Tekið er á móti umsóknum á netfangið sundlaug@esveit.is. Nánari upplýsingar gefur Erna Lind, forstöðumaður, í síma 895-9611.

Vegna vetrarleyfis í Hrafnagilsskóla verður bókasafnið lokað dagana 26.-28. febrúar.

Viðvaranir Veðurstofunnar eru mikið í umræðunni þessa daga en ekki víst að allir hafi þekkingu á því hvað þær í raun þýða. Hér eru upplýsingar um hvað grænn, gulur, appelsínugulur og rauður þýða hjá Veðurstofunni.

Allt skólahald í Eyjafjarðarsveit mun liggja niðri á morgun sökum viðvarana frá Almannavörnum og Veðurstofunni, þá mun íþróttamiðstöðin einnig vera lokuð.

Sveitarstjórn Eyjafjarðarsveitar - 543 FUNDARBOÐ 543. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, 13. febrúar 2020 og hefst kl. 15:00

Vegagerðin hefur skipulagt snjómokstur í nótt og ættu því allir að komast leiðar sinnar í fyrramálið. Ef marka má vef Veðurstofunnar ætti færð vegna veðurs ekki að vera vandamál fram að helgi en takmörkuð ofankoma, kalt og hægur vindur virðist vera í kortunum fram á föstudag.

Sveitarstjórn Eyjafjarðarsveitar samþykkti á fundi sínum 23. janúar sl. að vísa skipulagslýsingu fyrir 2. áfanga íbúðarsvæðis í Kotru (Syðri-Varðgjá) í lögformlegt kynningarferli. Skipulagsverkefnið tekur til svæðis sem skilgreint er sem íbúðarsvæði ÍB12 í aðalskipulagi Eyjafjarðarsveitar 2018-2030 og liggur austan Veigastaðavegar en norðan 1. áfanga íbúðarsvæðis í Kotru sem deiliskipulagður var árið 2019.

Álagningarseðlar fasteignagjalda 2020 hafa verið birtir á vefnum island.is.