Eyjafjarðarsveit auglýsir eftir umsækjendum í starf forstöðumanns íþróttamiðstöðvar

Fréttir
Íþróttamiðstöð Eyjafjarðarsveitar
Íþróttamiðstöð Eyjafjarðarsveitar

Forstöðumaður Íþróttamiðstöðvar Eyjafjarðarsveitar

Eyjafjarðarsveit óskar eftir að ráða starfsmanni í 100% stöðu forstöðumanns Íþróttamiðstöðvar. Við leitum eftir öflugum einstakling sem hefur brennandi áhuga á starfseminni, er með góða stjórnunarhæfileika, framúrskarandi samskiptahæfileika, ríka þjónustulund og hefur mikinn áhuga á að vinna með fólki.

Helstu verkefni og ábyrgð

  • Umsjón með rekstri íþróttahúss, sundlaugar, íþróttavalla og tjaldsvæðis.
  • Ábyrgð á skipulagi mannauðs starfseminnar.
  • Ábyrgð á gæðum og öryggi starfseminnar.
  • Umsjón með íþrótta- og tómstundastarfi í sveitarfélaginu, félagsmiðstöð og verkefninu Heilsueflandi samfélag.
  • Samskipti við ungmennaráð, ungmennafélög og aðra hagaðila.
  • Þátttaka í fjárhagsáætlunargerð.

Helstu kostir sem horft verður til við ráðningu:

  • Stjórnunarreynsla og leiðtogahæfileikar.
  • Hæfni og lipurð í mannlegum samskiptum.
  • Jákvæðni, sveigjanleiki og góðir skipulagshæfileikar.
  • Rík þjónustulund.
  • Sjálfstæð, nákvæm og skipulögð vinnubrögð.
  • Hugmyndaauðgi, frumkvæði og drifkraftur.
  • Góð almenn tölvukunnátta er skilyrði.
  • Geta til að tileinka sér nýja færni.
  • Önnur reynsla sem nýtist í starfi.

 

Starfslýsingu og nánari upplýsingar veitir Finnur Yngvi Kristinsson, sveitarstjóri, í síma

463-0600 eða í tölvupósti á netfangið finnur@esveit.is

Laun eru samkvæmt gildandi kjarasamningi Sambands Íslenskra sveitarfélaga við hlutaðeigandi stéttarfélag.

Starfshlutfall er 100%

Umsóknarfrestur er til og með 4. desember 2022.

Tekið er á móti umsóknum ásamt ferilskrá og upplýsingum um meðmælendur, á skrifstofu Eyjafjarðarsveitar, Skólatröð 9, 605 Akureyri eða í tölvupósti á netfangið esveit@esveit.is