Goðafoss og Mjaðmárfoss

Við Eyjafjarðarbraut Eystri mætast tveir fallegir fossar, Goðafoss og Mjaðmárfoss, í stórbrotnu gili Þverár og má líta fossana augum með því að ganga upp með gljúfrinu í innan við fimm mínútur frá veginum. Í gljúfrinu má einnig finna leyfar gamallar virkjunnar. 

Neðan brúar er vinsæll staður hjá klifurfólki sem sækir klettana reglulega heim bæði að sumri og vetri en ísmyndun á svæðinu er mikil og getur verið einstaklega falleg. 

Viljir þú njóta staðarins þá má finna staðsetningu hans hér á hlekknum en mikilvægt er að bera virðingu fyrir náttúrunni í kring og þeim hættum sem leynast í gljúfrinu.