Póstkassarnir prúðbúnu

Prúðbúinn póstkassi í Eyjafjarðarsveit
Prúðbúinn póstkassi í Eyjafjarðarsveit

Óhætt er að fullyrða að hinir prúðbúnu póstkassar Eyjafjarðarsveitar hafi hlotið verðuga athygli um land allt. S.l. föstudag hófst Póstkassaleikurinn 2012 á Facebook en þar hafa fjölmargir notendur samskipta-síðunnar skoðað albúm með myndum af póstkössunum, greitt atkvæði og deilt albúminu áfram um samskiptavefinn og mun sú atkvæðagreiðsla standa til 7. ágúst n.k.

Stjórn stjórn Handverkshátíðar og Landbúnaðarsýningar við Hrafnagil þakkar þær góðu undirtektir sem verkefnið hefur hlotið og minnir jafnframt á að áfram má velja best prýdda póstkassa Eyjafjarðarsveitar á atkvæðaseðlum sem liggja frammi hjá eftirfarandi ferðaþjónustuaðilum í sveitinni en upplýsingar um staðsetningu þeirra má fá á tenglum af heimasíðu Eyjafjarðarsveitar www.eyjafjardarsveit.is undir flipanum ferðaþjónusta.

• Gallerýið í sveitinni
• Holtsel ísbar og verslun
• Jólagarðurinn
• Kaffi Kú
• Lambinn /Ferðaþjónustan Öngulsstöðum
• Silva hráfæði og grænmetisstaður
• Smámunasafnið
• Sundlaug Eyjafjarðarsveitar.

Atkvæðaseðlarnir munu liggja frammi til 10. ágúst n.k.