Sveitarstjórnarfundur
414. fundur sveitarstjórnar Eyjafjarðarsveitar verður haldinn í Félagsborg,
Skólatröð 9, þriðjudaginn 7. febrúar og hefst hann kl. 16:00. Dagskrá fundarins má sjá á upplýsingatöflu í anddyri
skrifstofunnar, sem og á heimasíðu sveitarfélagsins www.eyjafjardarsveit.is Sveitarstjóri
Félagsleg leiguíbúð
Laus er til umsóknar, frá 1. mars n. k., tveggja herbergja leiguíbúð að Skólatröð 2. Umsækjendur skulu standast þau tekju- og
eignamörk sem ákveðin eru í reglugerð nr. 873/2001, um lánveitingar til leiguíbúða, ráðstöfun þeirra og rekstur.
Umsóknareyðublað er hægt að nálgast á skrifstofu og/eða heimasíðu sveitarfélagsins (skoða hér)
Umsóknarfrestur er til 15. febrúar n.k. Skrifstofa
Eyjafjarðarsveitar
Frá Laugalandsprestakalli
Messa í Hólakirkju sunnudaginn 5. febrúar kl.11:00. Við biðjum fyrir sveitungum.
Kveðja Hannes
árshátíð unglingastigs Hrafnagilsskóla
árshátíð unglingastigs verður haldin í Laugarborg föstudaginn 3.
febrúar n.k. Hún hefst kl. 20.00 og stendur til kl. 23.30. Ekið er heim að balli loknu. Nemendur í 8., 9. og 10. bekk sýna söngleikinn
Stríðið um Trójuborg. Kennarar á unglingastigi leikstýra og Birgir Arason er tónlistarstjóri. Auk þess að leika, syngja og dansa á
sýningunni sjá nemendur um búninga, leikmynd, förðun og alla tæknivinnu. Verð aðgöngumiða er 600 kr. fyrir nemendur á
grunnskólaaldri og 1.200 kr. fyrir þá sem eldri eru. Veitingar á hlaðborði eru innifaldar í miðaverðinu.
Allir eru hjartanlega velkomnir. Nemendur á unglingastigi
Leikjaskóli – leikjaskóli
Leikjaskóli Samherja, fyrir 4-6 ára börn, hefst laugard. 4. febrúar kl. 10-11 í
íþróttahúsi Hrafnagilsskóla. Leikjaskólinn verður í átta skipti og kostar 3.500 kr. á barn. Umsjón hefur Dagný Linda
Kristjánsdóttir. Umf. Samherjar
Frá Félagi aldraðra í Eyjafirði!
þorrablót félagsins verður haldið í Félagsborg föstudaginn 10. febrúar n.k.
Húsið opnað kl. 19.00, borðhald hefst kl. 19.30. Miðaverð er kr. 4.500 pr. mann (erum ekki með posa.).
Fólk má taka með sér gesti. N.k. mánudag liggur frammi þátttökulisti í Félagsborg,
einnig má láta vita um þátttöku í eftirtalda síma:
Vilborg og óttar hs. 463-1474 gsm 868-8436
Kristín hs. 463-1347 gsm 866-9355
Heiða hs. 463-1113 gsm 849-7921
Addi hs. 463-1203 gsm 893-3862
Vönduð skemmtiatriði, svo verður dansað í lokin, þuríður formaður og einhverjir af hásetunum spila. Nefndin
íbúð til leigu
íbúð í Meltröð 4 e.h. er til leigu. Upplýsingar í síma 868-2885. Kristinn óskar
Almanak þroskahjálpar 2012
Upplýsingar og pantanir í síma 862-2472, eða tölvupósti kogk@est.is Kolbrún
Ingólfsdóttir
Járninganámskeið
Gestur Páll Júlíusson dýralæknir og járningameistari verður með járninganámskeið dagana 3.-4. febrúar.
Námskeiðið hefst með bóklegri kennslustund í Funaborg á föstudagskvöldinu og á laugardeginum verður verkleg kennsla haldin að
Hólshúsum.
Verð er 15.000 kr. og greiðast á föstudeginum (ekki verður hægt að taka við kortum).
Flest verkalýðsfélög taka þátt í niðurgreiðslu námskeiðagjalda.
Skráning er á netfangið namskeid@funamenn.is til kl. 13:00 á föstudag (3.
febrúar)
Sjá nánar inni á funamenn.is. Fræðslunefnd Funa
Kæru Iðunnarkonur
Minnum á aðalfundinn sem verður laugardaginn 4. febrúar 2012 kl. 11, í Laugarborg. Nýjar konur velkomnar. Kveðja
stjórnin
Himnaríki – geðklofinn gamanleikur í Freyvangsleikhúsinu
Freyvangsleikhúsið vekur athygli á að enn er hægt að
fá gjafabréf á Himnaríki – geðklofinn gamanleik í Eymundsson. Fram til 5. febrúar er hægt að kaupa gjafabréf sem kosta 2.000,- kr.
en almennt miðaverð er 2.500,- kr.
Miðasala er hafin á www.freyvangur.net og
í miðasölusíma 857-5598 milli 17 - 19 alla daga. Hlökkum til að sjá ykkur í leikhúsinu.
Búnaðarfélag Eyjafjarðarsveitar
Búnaðarfélag Eyjafjarðarsveitar boðar til fundar á Kaffi Kú þriðjudaginn 7.
febrúar og hefst hann kl. 10.30. Gestur fundarins verður Tómas I. Olrich, Festarkletti. Hann ætlar að ræða um kosti og galla ESB aðildarumsóknar.
Allir velkomnir. Kaffiveitingar í boði félagsins. Stjórnin
Spunanámskeið
Spunanámskeið verða haldin 2x2 miðvikudagskvöld frá 8.-29. febrúar. í litlu rauðu húsi við
Dyngjuna er spunninn þráður lífsins úr reyfi frá kind nágrannans við kertaljós á köldum vetrarkvöldum. Fyrstu tvö skiptin
er kennt að spinna þráð frá reifi, kemba með handkömbum, spunnið á snældu og seinni tvö kvöldin er kennt að spinna á rokk.
Lummur og ketilkaffi á heitri kamínu.
Dyngjan-listhús er við fjallsrætur Kerlingar í landi Fífilbrekku Eyjafjarðarsveit. Upplýsingar í síma 899-8770 og hadda@simnet.is
Kvenfélagið Aldan-Voröld
Aðalfundur verður haldinn laugardaginn 11. febrúar n.k. kl. 12:00 í Félagsborg. Venjuleg
aðalfundarstörf, kosningar og margt á döfinni framundan. Vonumst til að sjá sem flestar konur og boðið verður upp á súpu og brauð.
Stjórnin
GULLhringur eða GLERhringur ....
...skiptir ekki máli hvaða leið þú kemur - eeeeeeen gaman væri að sjá þig,
söngfuglinn, koma í okkar raðir í kirkjukórinn! Auk hefðbundinna og óhefðbundinna kirkjusöngva syngjum við líka gamalkunnug
ættjarðar- og þjóðlög og stefnum á flutning þeirra á tónleikum í apríl. áhugasamir söngfuglar, hjartanlega
velkomnir á æfingarnar á mánud. kl.20:30 í Laugarborg.
Formaður stjórnar kórsins: Deborah 463-1516/Stjórnandi kórsins: Daníel 462-7034
Leynigestur
Laugardagskvöldið 4. febrúar mun Bobbi taka með sér leynigest, til að spila og syngja með sér, þar sem Atli verður
í fríi. Fjörið hefst eftir kl. 22.
Vöfflurnar, kakóið og lakkríslengjurnar; já það er meira en bara söngvatn á Kaffi Kú.
Opnunartímar næstkomandi helgi eru:
laugardagur kl. 14-01 og sunnudagur kl. 14-18 Kaffiku.is
5 Rytma dans - Orkulundi - Föstudagskvöld 3.febrúar kl. 20 - 22
5Rytmarnir eru frjáls danshreyfing sem er þó bundin í form þessara fimm rytma sem eru: flæði, staccato, kaos, lýrík og kyrrð. þegar
þeir koma saman er talað um að dansa öldu. Kennari leiðir hópinn í gegnum tímann, þannig þarf ekki að óttast að
„kunna“ þetta ekki.
Oft er talað um 5Rytmana sem hreyfanlega hugleiðslu, hvar dansinn getur leitt okkur að okkar innsta kjarna og leyft okkur að tengjast sjálfum okkur og öðru
fólki á nýjan hátt. þessar tvær klukkustundir er ljúft að gefa frí síbyljunni í höfðinu sem og vel nýttum
talfærum.
þú þarft ekki að hafa neina reynslu af dansi eða vera í neinu sérstöku formi til að geta dansað 5Rytmana. Hver og einn dansar sinn eigin dans
að vild og getu.
Kennari er Anna Sigríður ólafsdóttir sem hefur lokið kennaraþjálfun í 5Rytmnum hjá Gabrielle Roth og The Moving Center School.
Tíminn kostar 2200 kr. og einungis er hægt að greiða með beinhörðum íslenskum krónum við innganginn, en ef þið viljið millifæra
þá er það alveg sjálfsagt líka. Posi er á 10 ára planinu ;o)
Kveðja, Sólveig s. 663-0498
