191 . fundur skólanefndar Eyjafjarðarsveitar haldinn Syðra Laugaland, þriðjudaginn 25. janúar 2011 og hófst hann
kl. 20:30.
Fundinn sátu:
Sigríður Bjarnadóttir, Sigurður Friðleifsson, Valgerður Jónsdóttir, Hrund Hlöðversdóttir, Hólmgeir Karlsson, Jónas
Vigfússon, Karl Frímannsson, Hans Rúnar Snorrason, Inga Bára Ragnarsdóttir, Indiana ósk Magnúsdóttir og þór Hauksson
Reykdal.
Fundargerð ritaði: Valgerður Jónsdóttir, ritari.
Dagskrá:
1. 0905003 - Starfsmannamál grunn- og leikskóla
Stjórn leikskóladeildar: þorvaldur þorvaldsson aðstoðarskólastjóri leikskóladeildar hefur látið af störfum. Rætt var
um ráðningu í hans stað. Samþykkt að fela formanni og Karli að vinna að starfslýsingu fyrir aðstoðarskólastjóra
leikskóladeildar, staðan verði auglýst í framhaldi af því.
Deildarstjórar í leikskóladeild: ósk hefur borist frá leikskólanum að deildarstjórum verði fjölgað um einn, úr þremur
í fjóra. Samþykkt að auglýsa eftir leikskólakennara um leið og auglýst verður eftir aðstoðarskólastjóra
leikskóladeildar, þar sem ljóst er að leikskólakennurum mun fækka við skólann í vor. ákvörðun um fjölgun
deildarstjóra verður tekin í framhaldi af ráðningu aðstoðarskólastjóra leikskóladeildar.
Starfsmannamál í leikskóladeild: Aukin þörf er á starfskrafti vegna fjölgunar barna. Samþykkt að hálfu stöðugildi
verði bætt við á leikskóladeild sem fyrst.
2. 0803049 - Hönnun skólalóðar
Sveitarstjóri sýndi uppdrátt að fyrirhuguðum framkvæmdum við skólalóð. Skólaráði verða kynntar
tillögurnar á næstunni. Stefnt er að því að ljúka fyrsta áfanga við framkvæmdirnar á þessu ári.
3. 1101007 - Skólanámsskrá grunnskóladeildar
Karl kynnti endurskoðun á skólanámskrá grunnskóladeildar. Námskráin hefur verið uppfærð frá síðasta
ári. Skólanefnd gerir engar athugasemdir. Von er á nýrri aðalnámskrá í haust, Karl leggur til að vinna við
ítarlega endurskoðun á skólanámskrá verði hafin fljótlega.
4. 1101010 - Vinnureglur vegna skólaksturs
Borist hefur bréf frá stjórn foreldrafélags grunnskóladeildar. óskað er eftir því að skerpt verði á vinnureglum
varðandi skólaakstur. Karli falið að ræða erindi bréfsins við þjónustuaðila og fylgja erindinu eftir. Einnig verði
skýrðar verklagsreglur skólans varðandi óveður.
Fleira ekki gert. Fundi slitið kl. 22:40
