117 . fundur umhverfisnefndar Eyjafjardarsveitar haldinn í fundarstofu 2, Skólatröð 9, þriðjudaginn 21. febrúar 2012 og
hófst hann kl. 17:00.
Fundinn sátu:
Brynhildur Bjarnadóttir, Hulda M Jónsdóttir, Brynjar Skúlason, Valur ásmundsson, Björk Sigurðardóttir og Jónas Vigfússon.
Fundargerð ritaði: Björk Sigurðardóttir, fundarritari.
Dagskrá:
1. 0711031 - Kerfill - átaksverkefni um eyðingu kerfils
Enn hefur ekki
borist svar frá Umhverfisráðuneytinu um 2.000.000 kr. styrk sem nefndin sóttu um í desember sl. Ekki verða teknar neinar frekari ákvarðanir varðandi
þetta mál fyrr en ljóst verður hvað kemur út úr styrkumsókninni. Stefnt er að því að funda með landbúnaðar - og
atvinnmálnefnd þegar ljóst er hvaða fjárhæð fæst í þennan málaflokk. Rætt var um að formaður hafi samband við
Vegagerðina varðandi samstarf á eyðingu kerfils í vegköntum.
2. 1007009 - Heildar stefnumörkun um sorphirðu og flokkun í sveitarfélaginu
Nefndarmenn skoðuðu svar sem barst frá Eiði Guðmundssyni framkvæmdarstjóra Moltu varðandi fyrirspurn frá formanni um kostnað og möguleika
á bræðslu dýrahræja hjá fyrirtækinu. Kostnaður fyrirtækisins á kaupum á brennsluofni yrði mjög hár og svaraði
líklega ekki kostnaði. Nefnarmönnum finnst brýnt að skoða alla möguleika á urðunarstað fyrir dýrahræ hér í
sveitarfélaginu og vill vísa málinu til sveitastjórnar til mótunar og undirbúnings. Mikilvægt er að hraða meðferð málsins
þar sem mikil óvissa ríkir um framtíð sorpbrennslunar á Húsavík. Nefndin leggur til að sveitastjórn auglýsi sem fyrst eftir
hugsanlegum urðunarstað í sveitafélaginu.
Umhverfisnefnd telur ótækt að ekki skuli enn vera búið að leyfa notkun moltu frá Moltugerðinni á þverá. Mikilvægt er að
sveitastjórn beiti sér tafarlaust fyrir því að nota megi ósýkta moltu frá jarðgerðarstöðinni sem áburð á
ræktað land.
3. 1009016 - Setning reglna um umferð hesta- og hjólamanna
Borist hefur erindi frá nokkrum
íbúum Kaupvangssveitar þar sem óskað er eftir að nefndin fjalli um umferð vélknúinna ökutækja yfir Bíldsárskarð.
Nefndin telur ótækt að hleypa vélhjólum á þessa leið af umhverfisástæðum. Leiðin er viðkvæm á pörtum og
erfitt að halda henni við vegna bratta.
4. 1201006 - Landgræðsla ríkisins - Vegna verkefnisins
Borist hefur beiðni frá
Landgræðslu ríkisins um styrk vegna verkefnisins "Bændur græða landið". Beiðnin hljóðar upp á 35.000 kr. og tekur nefndin
jákvætt í málið og samþykkir styrkveitinguna.
Fleira ekki gert. Fundi slitið kl. 18:50
