Fréttayfirlit

Á Smámunasafninu er opið alla daga vikunnar frá klukkan 11:00 - 17:00 fram til 15. september. Í anddyri safnsins stendur yfir sýning á verkum kvenna úr sveitinni, tengd altarisklæðinu úr Miklagarðskirkju. Einnig höfum við sett upp smásýninguna "Konur á Smámunasafninu" en hún er sett upp í tilefni af 100 ára kostningarafmæli kvenna. Verið hjartanlega velkomin á Smámunasafnið, við tökum vel á móti þér. Starfsfólk Smámunasafnsins.

Lokað verður á safninu föstudaginn 19. júní vegna 100 ára kosningaafmælis kvenna.

Sumaropnun Smámunasafnsins hefst í dag, föstudaginn 15. maí. Opið verður alla daga í sumar frá kl. 11:00-17:00. Í anddyri safnsins stendur yfir sýning á verkum kvenna úr sveitinni, tengd altarisklæðinu úr Miklagarðskirkju.

Smámunasafnið er opið á sumardaginn fyrsta, 23. apríl frá kl. 11:00 – 17:00. Safnið er ekki minjasafn, landbúnaðarsafn, verkfærasafn, búsáhaldasafn, naglasafn, járnsmíðasafn eða lyklasafn heldur allt þetta og meira til. Sýning er í anddyrinu á munum sem unnir hafa verið af vinnuhópi kringum altarisklæðið frá Miklagarði. Sýningin er styrkt af Menningarráði Eyþings og Menningarmálanefnd Eyjafjarðarsveitar.

Nú fer senn að líða að vetrarlokun Smámunasafnsins. Safnið lokar fyrir veturinn þann 15. september. Yfir vetrartímann er hópum velkomið að heimsækja safnið í samráði við forstöðukonu þess. Forstöðukona safnsins er Berglind Mari Sími 699-8474 / smamunir@esveit.is Einnig má hringja í Sigríði Rósu Sími 898-5468

Laugardaginn 23. ágúst verður spákona stödd á kaffihúsi Smámunasafnsins og mun spá í bolla og tarot fyrir áhugasama frá kl. 14:00 til 16:00. Verið velkomin í spennandi heimsókn! Opið alla til 15. sept. frá kl. 11-17.

Sunnudaginn 13 júlí verður Íslenski safnadagurinn. Þá verður tveir-fyrir-einn af aðgangseyri í Smámunasafnið. Safnið verður opið frá kl. 11-17. Leikfangasýningin Barnagull verður í safninu í allt sumar. Á kaffihúsi Smámunasafnsins fást vöfflur og súkkulaðikökusneiðar að hætti kvenfélagskvenna, ásamt rjúkandi kaffi. Verið hjartanlega velkomin!

Vorið er komið og grundirnar gróa, og senn opnar Smámunasafnið á ný, nánar tiltekið þann 15. maí n.k. Opnunartími safnsins er sá sami og í fyrra; opið frá kl. 11:00 til kl. 17:00 á daginn. Við vonumst til að sjá þig í sumar! Sólarkveðjur, starfsfólk safnsins.

Eyfirski safnadagurinn 2014 verður laugardaginn 3. maí n.k. OPIÐ verður á flestum söfnum í Eyjafirði og nágrenni kl. 13-17. Smámunasafn Sverris Hermannssonar er þátttakandi í deginum og verður safnið því opið gestum og gangandi - ENGINN AÐGANGSEYRIR. Þema dagsins verður HANDVERK. ''Engir tveir hlutir í heiminum eru eins'' - Ýmis áhöld, verkfæri og gripir úr eigu húsasmíðameistarans Sverris Hermannssonar verða til sýnis. Verið velkomin í forvitnilega heimsókn!

Opið verður á Smámunasafninu á sumardaginn fyrsta kl. 13-18. Sönn fjölskyldustemning! Húlahringir, krítar og sippubönd - veturinn blásinn burt með sápukúlum! Ratleikurinn verður að sjálfsögðu á sínum stað. Verið hjartanlega velkomin í heimsókn! Gleðilegt sumar!