Fréttayfirlit

Á laugardagskvöldið var haldin hátíðarkvöldvaka sýninganna við Hrafnagil. Fyrir utan fjölmörg skemmtiatriði sem dagskrá kvöldsins bauð upp á, fór þar fram verðlaunaafhending handverksfólks og hönnuða, fyrir keppnir á vegum ungbænda og keppnina um best prýdda póstkassa Eyjafjarðarsveitar.

Enn var slegið met í miðasölu Handverkshátíðar í dag, fyrir utan mikinn fjölda endurkomugesta. Fjöldi gesta skoðaði einnig Landbúnaðarsýningu Búnaðarsambands Eyjafjarðar í eindæma veðurblíðu sem lék við gesti og starfsfólk sýninganna.

Enn var slegið met í miðasölu Handverkshátíðar í dag, fyrir utan mikinn fjölda endurkomugesta. Þá skoðuðu einnig fjölmargir Landbúnaðarsýningu Búnaðarsambands Eyjafjarðar á svæðinu. Eindæma veðurblíða lék við gesti og starfsfólk sýninganna.

Aldrei hafa jafn margir sótt Handverkshátíð og í ár. Aðsóknarmet hafa verið slegin bæði í dag, laugardag og í gær. Landbúnaðarsýningin sem Búnaðarsamband Eyjafjarðar stendur fyrir í tilefni af 80 ára afmæli sambandsins hefur jafnframt dregið til sín fjölda gesta. Mikil veðurblíða á svæðinu hefur kætt bæði gesti og starfsfólk sýninganna.

Undirbúningur vegna Handverkshátíðar og Landbúnaðarsýningar hefur gengið vel í dag. Margt er um manninn og þá ekki síður vélarnar á svæðinu enda mikið lagt upp úr að sýningarnar megi verða sem glæsilegastar.

Svæði Landbúnaðarsýningar við Hrafnagil tekur nú örum breytingum og á meðfylgjandi myndum má sjá hvernig tjöld og girðingar rísa.