Fréttayfirlit

Við kynnum með stolti næstu fjóra af sýnendum Handverkshátíðarinnar í Eyjafjarðarsveit 2018.

Handverkshátíðin Eyjafjarðarsveit er viðburður innan dagskrár 100 ára afmælis fullveldis Íslands. Verðum við því ennþá meira á þjóðlegu nótunum í ár. Nú tökum við undir með Heimilisiðnaðarfélaginu og segjum: Út úr skápnum - þjóðbúningana í brúk!

Við kynnum með stolti næstu fjóra af sýnendum Handverkshátíðarinnar í Eyjafjarðarsveit 2018.

Við kynnum með stolti fjóra af sýnendum Handverkshátíðarinnar í Eyjafjarðarsveit 2018.

Okkur er mikið gleðiefni að segja frá því að Spunasystur munu vera heiðursgestir hátíðarinnar í ár. Þeir sem ekki hafa séð til Spunasystra ættu að sperra eyrun því það er mikið sjónarspil að fylgjast með þeim stöllum. Þær hafa komið með ferskan blæ inn í heim handverksins á undanförnum árum og eins og nafnið á hópnum þeirra gefur að kynna þá kemur spuni við sögu.

Nú hefur verið lokað fyrir umsóknir á Handverkshátíðina Eyjafjarðarsveit 2018. Við þökkum öllum þeim sem sóttu um kærlega fyrir og hlökkum til að fara yfir umsóknirnar. Öllum umsóknum verður svarað fyrir 15. maí. Endilega verið í sambandi ef það eru einhverjar spurningar.

Nú er hægt að sækja um þátttöku á Handverkshátíð 2018. Handverkshátíðin fer fram dagana 9.-12. ágúst.

Handverkshátíð 2018 verður haldin dagana 9.-12.ágúst. Ár hvert streyma til okkar þúsundir gesta af öllu landinu. Við leggjum mikinn metnað í framkvæmd hátíðar og alla umgjörð. Íbúar Eyjafjarðarsveitar leggjast á eitt við framkvæmdina og mikil gleði ríkir. Svo gestir fái notið ár eftir ár þá teljum við nauðsynlegt að þróa sviðsmynd hátíðarinnar. Það laðar fleiri að ef eitthvað nýtt er að sjá. Fyrirkomulag sýningarbása verður því með breyttu sniði þetta árið og viljum við vekja sérstaka athygli á því. Ekki verða lengur ferkantaðir sýningarbásar - veggjum fram á gólf verður fækkað til að auka sýnileika og létta á sýningarsvæðinu. Það er okkar trú að upplifun gesta verði jákvæðari og þeir finni sig enn og meira velkomna þegar sýningarsvæði verði opnara. Við minnum á að verðlaun eru veitt fyrir framúrskarandi handverk og hönnun, ásamt fallegasta sýningarbásnum.

Eva Björg Óskarsdóttir hefur verið ráðin framkvæmdastjóri "Handverkshátíðar" sem haldin er á hverju sumri í Eyjafjarðarsveit. Eva er 28 ára gömul og lauk námi frá Myndlistarskólanum á Akureyri. Hún hefur starfað við grafíska hönnun hjá ýmsum fyrirtækjum og stofnunum. Vann meðal annars kynningarefni fyrir Akureyrarvöku og rak hönnunarverslunina Búðina í Listagilinu á Akureyri síðastliðið sumar. Eva hefur þegar tekið til starfa við undirbúning og skipulagningu og verður vinnan komin á fullt innan skamms. Handverkshátíðin verður haldin í og við Hrafnagilsskóla í Eyjafjarðarsveit dagana 9.-12.ágúst n.k.