Fréttayfirlit

Þáttur um 20. Handverkshátíðina í Eyjafjarðarsveit sem haldin var sumarið 2012 verður sýndur þriðjudaginn 30. júlí kl: 19:35 RÚV.

Það leynir sér ekki að nú styttist í Handverkshátíð og póstkassarnir í Eyjafjarðarsveit eru byrjaðir að "blómstra".

Nú þegar er hægt að sjá skipulag sýningarsvæðisins ásamt nánari upplýsingum um sýnendur undir flipanum "Um hátíðina". Fylgist einnig með okkur á Facebook þar sem við setjum skemmtilegan leik í gang þegar nær dregur hátíðinni.

Undirbúningur 21. Handverkshátíðar er hafinn. Í fyrra skreyttu kvenfélagskonur í Eyjafjarðarsveit traktor með prjónlesi en í í ár fá kýr á bænum Hvassafelli að njóta góðs af dugnaði kvenfélagskvennanna. Þessa dagana er verið að leggja lokahönd á fyrstu flíkurnar. Kýrnar verða á beit á hátíðarsvæðinu í sumar til marks um að handverki eru engar skorður settar.

Nú hefur verið opnað fyrir umsóknir á Handverkshátíð 2013.

Opnað verður fyrir umsóknir á Handverkshátíð 2013 föstudaginn 1. mars n.k..
Nýtt umsóknareyðublað verður þá sett inn á heimasíðuna og umsóknarfresturinn kynntur.
Fylgist vel með.

Á laugardagskvöldið var haldin hátíðarkvöldvaka sýninganna við Hrafnagil. Fyrir utan fjölmörg skemmtiatriði sem dagskrá kvöldsins bauð upp á, fór þar fram verðlaunaafhending handverksfólks og hönnuða, fyrir keppnir á vegum ungbænda og keppnina um best prýdda póstkassa Eyjafjarðarsveitar.

Enn var slegið met í miðasölu Handverkshátíðar í dag, fyrir utan mikinn fjölda endurkomugesta. Fjöldi gesta skoðaði einnig Landbúnaðarsýningu Búnaðarsambands Eyjafjarðar í eindæma veðurblíðu sem lék við gesti og starfsfólk sýninganna.