Fréttayfirlit

Í tilefni Handverkshátíðar og Landbúnaðarssýningar hefur verið blásið til samkeppni um best prýdda póstkassa Eyjafjarðarsveitar. Íbúar hafa tekið virkan þátt og má nú sjá handverksprýdda póstkassa víða í sveitinni. Í myndasafni síðunnar má sjá nokkra kassa

Dagana 7. júlí til 10.ágúts gefst almenningi tækifæri á að velja best prýdda póstkassann en kjörkassar standa frammi hjá ferðaþjónustuaðilum sveitarinnar.

Sjá fleiri myndir á Facebook-síðu hátíðarinnar

Í tengslum við Handverkshátíð eru árlega haldin námskeið og svo verður einnig í ár. Upplýsingar um námskeið ársins eru farin að tínast hér inn á síðuna og eru allir áhugasamir hvattir til að fylgjast með, enda takmarkanir á hversu margir komast að á hverju námskeiði.

Upplýsingar um námskeiðin má sjá í valstikunni hér til vinstri á síðunni. 

Ester Stefánsdóttir framkvæmdastjóri Handverkshátíðar og Landbúnaðarsýningar við Hrafnagilsskóla  fékk á dögunum afhenta gjöf frá Fríðu Gylfadóttur listakonu í Fjallabyggð, en það var hluti Héðinsfjarðartrefilsins. Forsaga trefilsins er sú að árið 2010 stóð Fríða fyrir sameiginlegu prjónaátaki heimamanna og gesta í Fjallabyggð og var tilefnið opnun Héðinsfjarðarganga um haustið. Þá höfðu Fríða og félagar prjónað 17 km langan trefil sem tákn um sameiningu og samtöðu.

Handverkshátíðin við Hrafnagilsskóla hefur löngu fest sig í sessi sem einn stærsti viðburður norðan heiða ár hvert. Undanfarin ár hefur hún verið sótt af sívaxandi fjölda gesta og í ár má búast við að enn verði aðsóknarmet slegin þegar landbúnaðarsýning verður sett upp samhliða hátíðinni.