Auglýsingablaðið

Auglýsingablað 1139. tbl. 14. árg. 22. apríl 2022.

Atkvæðagreiðsla utan kjörfundar vegna sveitarstjórnakosninga

Opnað hefur verið fyrir atkvæðagreiðslu utan kjörfundar og verður hægt að kjósa á skrifstofum sýslumannsembættisins á Akureyri, Húsavík og Siglufirði mánudaga til fimmtudaga kl. 9:00 - 15:00 og föstudaga kl. 9:00 – 14:00, og á Þórshöfn, alla virka daga frá kl. 10:00 - 14:00.

Þegar nær líður kjördegi verða nýir kjörstaðir auglýstir sérstaklega á vefsíðunni www.kosning.is og víðar. Lengdur opnunartími tvær síðustu vikurnar fyrir kjördag verður jafnframt auglýstur síðar.
Sýslumaðurinn á Norðurlandi eystra.

Gleðilegt sumar
Í tilefni af Stóra plokkdeginum 24. apríl og Degi umhverfisins 25. apríl vill umhverfisnefndin hvetja íbúa Eyjafjarðarsveitar til átaks í ruslatínslu og almennri tiltekt.
Víða má finna rusl í vegköntum, plast á girðingum og fleira.
Með sameiginlegu átaki gerum við sveitina okkar fallega.
Umhverfisnefnd Eyjafjarðarsveitar.

Skráning nýrra nemenda í Hrafnagilsskóla, vorið 2022
Dagana 2. – 6. maí stendur yfir skráning nýrra nemenda í Hrafnagilsskóla. Foreldrar og forráðamenn eru beðnir að skrá tilvonandi 1. bekkinga (börn fædd 2016) og einnig aðra nýja nemendur sem væntanlegir eru í skólann næsta haust.
Á sama tíma er tekið á móti tilkynningum um flutning nemenda af svæðinu.
Þeir sem ætla að notfæra sér frístund næsta vetur (fyrir nemendur í 1.- 4. bekk) eru beðnir að tilkynna það þessa sömu daga (ekki bindandi skráning).
Skráning fer fram hjá ritara skólans milli kl. 9:00-15:00 í síma 464-8100.
Skólastjóri.

-listinn auglýsir enn á ný!
Fyrir og um páskana fóru fulltrúar K-listans um alla Eyjafjarðarsveit og hittu sveitungana. Við þökkum góðar móttökur og málefnalegar umræður og teljum okkur vel nestuð af málefnum til að vinna með áfram. Einhverjir voru ekki heima í yfirferð okkar en við bendum þeim sem vilja koma sínum málum á framfæri að hafa samband við K-lista fólk. TAKK fyrir okkur!
Kraftur -með K listanum.

Kardemommubærinn í Freyvangi
Bastían bæjarfógeti er að niðurlotum kominn að eiga við ræningjana og mun loka bæjarhliðinu eftir 1. maí.
Lokasýningar komnar í sölu á tix.is og í s. 857-5598.
Hlökkum til að sjá ykkur.

Aðalfundur Ferðamálafélags Eyjafjarðarsveitar verður haldinn í Félagsborg þriðjudaginn 10. maí kl. 20:00.
Á dagskrá verða venjuleg aðalfundarstörf.
Beate Stormo kemur á fundinn og segir okkur hvernig gengur með Edduna okkar.
Endilega komið með hugmyndir ykkar um skemmtileg verkefni fyrir næsta starfsár.
Verið öll hjartanlega velkomin :)
Við hlökkum til að sjá ykkur.
Stjórn Ferðamálafélags Eyjafjarðarsveitar, Hrefna, María, Heiðdís og Sólveig.