Jólafundur byggingarnefndar Eyjafjarðar, 11. fundur, haldinn að óseyri 2, þann 13.12.2013, kl. 11,15.
Fundarstjóri var Hreiðar B. Hreiðarsson og ritari þröstur Sigurðsson.
Fundarstjóri setti fundinn og bauð menn velkomna á þennan árlega jólafund nefndarinnar, bauð hann jafnframt gest fundarins Guðmund Sigvaldason
sveitastjóra Hörgársveitar, hjartanlega velkominn. Hreiðar sagði þetta sinn fyrsta jólafund, þar sem hann kom skyndilega inn í nefndina sem
aðalmaður og þá strax kosinn formaður nefndarinnar. það sem af er hafi þetta verið mjög fróðlegur og skemmtilegur tími.
þá bauð fundarstjóri byggingarfulltrúa að taka til máls.
Jósavin fór í stuttu máli yfir starfsárið, en árið hafi verið með hefðbundnum hætti. á árinu voru haldnir 5
fundir í byggingarnefnd, tekin voru fyrir 44 erindi og byggingarleyfin eru 39 talsins. þetta er svipaður fjöldi erinda og hefur verið undanfarin ár, að
undaskildu árinu 2012 sem stakk aðeins úr með fjölda erinda í desember til að öðlast byggingarleyfi fyrir gildistöku nýrrar
byggingarreglugerðar. Nokkrar byggingar sem þar voru samþykktar er ekki enn byrjað á. það er þó ánægjulegt að eitt
nýtt fjós var tekið í notkun á árinu, og einnig eitt fjárhús, en það eru fyrstu nýju gripahúsin frá
efnahagshruni.
á árinu komu upp örfá mál sem þurftu sérstaka meðferð og var eitt þeirra kært til úrskurðarnefndar umhverfis- og
auðlindamála, sem þó hafði ekki fengið neina formlega afgreiðslu hjá embættinu. Viðkomandi mál væri nú í
meðferð sveitarstjórnar og skipulagsnefndar viðkomandi sveitafélags.
á árinu var gengið formlega frá samþykkt fyrir afgreiðslu sameiginlegrar byggingarnefndar Eyjafjarðarsvæðis. á stjórnarfundi
embættisins í fyrrahaust var ákveðið að endurskoða gjaldskrá fyrir hina ýmsu þjónustu sem embættið veitir og öðlast
hún gildi á nýju ári, eftir að hún hefur verið auglýst í stjórnartíðindum. öll gjaldtaka sem embættið
innheimtir skal endurspegla þá vinnu sem liggur að baki. Einnig var umræða í stjórninni hvort ráða skuli einn aðila sem skuli vera
skipulags- og byggingarfulltrúi fyrir öll sveitafélögin sem standa að embættinu, en horfið er frá því að svo stöddu.
Að lokum þakkaði Jósavin nefndarmönnum og samstarfaðilum fyrir gott samstarf á árinu.
Næstur tók Guðmundur Sigvaldason til máls. Hann þakkaði gott boð um að sitja jólafund nefndarinnar. Hann greindi stuttlega frá
sínum bakgrunni í sveitastjórnarmálum, en hann hefur undanfarin ár gegnt störfum sveitastjóra Hörgársveitar og áður
Hörgárbyggðar. Vera hans í opinberri stjórnsýslu væri orðin löng eða um 33 ár. Hans bakgrunnur væri þó
allt annar, þar sem hann væri með bs. sem Landfræðingur með sagnfræði sem hliðargrein. það væri út frá þeim
grunni sem hann langaði að flytja sitt erindi, en hann hefur alla tíð haft mikinn áhuga á að ferðast og skoða gömul mannvirki og menningarminjar
víðsvegar um heiminn.
Sýndi hann fundarmönnum margar myndir af þessum mannvirkjum og kom víða við. Frá Róm voru m.a. myndir af hlöðnu frárennsliskerfi sem
liggur undir hluta borgarinnar og er það nokkurra þúsunda ára gamalt. Einnig voru myndir frá norður Skotlandi ásamt Orkneyjum, sem sýndu
mannvirki frá allt að 5000 árum f. Krist. þá voru einnig myndir frá Heilaga eyju við Bretland þar sem talið er að
víkingaöldin hafi byrjað árið 793. það sem einnig var markvert að sjá á þessum myndum var hversu minjar voru vel varðveittar og
viðhaldið á Orkneyjum en síður í Skotlandi.
Formaður þakkaði Guðmundi fyrir fróðlegt erindi og Jósavin fyrir greinagóða ársskýrslu um stafsemina, óskaði nefndarmönnum
gleðilegra jóla, sleit fundi og bauð fundarmönnum að þiggja veitingar á veitingarstaðnum
La Vita ‘e Bella.
Fundi slitið kl. 13,00.
Hreiðar Bjarni Hreiðarsson, Elmar Sigurgeirsson, Egill Bjarnason, Hermann Jónsson og Björn Ingason.
Jósavin Gunnarsson, Guðmundur Sigvaldason og þröstur Sigurðsson.
