198. fundur skipulagsnefndar Eyjafjarðarsveitar
haldinn í fundarstofu 2, Skólatröð 9, fimmtudaginn 18. apríl 2013 og hófst hann kl. 17:00.
Fundinn sátu:
Elmar Sigurgeirsson, Emilía Baldursdóttir, Sigurður Eiríksson, Jón Stefánsson, Sigurður Hólmar Kristjánsson og Jónas
Vigfússon.
Fundargerð ritaði: Jónas Vigfússon, sveitarstjóri.
Við upphaf fundar var farin vettvangsferð i þverárnámu.
Dagskrá:
1. 1303014 - Einkennisfjall Eyjafjarðarsveitar
Lokið er skoðanakönnun um hvert sé einkennisfjall Eyjafjarðarsveitar. Fjörutíu og fimm svör bárust og völdu 37 Kerlingu, en önnur
fjöll fengu 1-3 atkvæði. Skipulagsnefnd tekur undir með íbúum og leggur til að Kerling verði einkennisfjall Eyjafjarðarsveitar. Kerling er 1.538 m að
hæð og sést víða að, enda hæsta fjall á Norðurlandi.
2. 1209013 - Gilsá II, óskað eftir leyfi fyrir sumarhúsi
Vísað er til bókunar skipulagsnefndar frá 185. fundi nefndarinnar en þar er samþykkt að heimila Kristjáni B. Garðarssyni að staðsetja
50 m² sumarhús í landi sínu að Gilsá II í samræmi við afstöðumynd frá Búgarði dags. 11.09.2012.
Nú óskar Kristján eftir að húsið verði staðsett annars staðar á landinu í samræmi við yfirlitsmynd frá
Búgarði dags. 05.04.2013.
Skipulagsnefnd getur fallist á að byggingarreitur verði færður á svipaðan stað og kemur fram á uppdrætti, en gæta þarf að gildandi
fjarlægðarmörkum 150 m frá húsum bújarðar og 50 m frá ánni. Lögð er áhersla að skerða tún sem minnst.
óskað er eftir nýjum uppdrætti áður en erindið verður afgreitt.
3. 1304010 - þverárnáma deiliskipulag
Gerð var forsögn að deiliskipulagsgerð vegna þverárnámu.
Ekki er gerð krafa um skipulagslýsingu þar sem allar meginforsendur liggja fyrir í aðalskipulagi og matsskýrslu, með fyrirvara um afgreiðslu
Skipulagsstofnunar.
4. 1303020 - Munkaþverá - malarnám
Gerð var forsögn að deiliskipulagsgerð vegna Munkaþverárnámu.
Ekki er gerð krafa um skipulagslýsingu þar sem allar meginforsendur liggja fyrir í aðalskipulagi og fyrirliggjandi tilkynningu til Skipulagsstofnunar, með fyrirvara um
afgreiðslu hennar.
5. 1304013 - ES15-Torfur, norðan Skjóldalsár, framkvæmdaleyfi
Níels Helgason óskar eftir framkvæmdaleyfi til efnistöku norðan Skjóldalsár til þriggja ára allt að 5.000 m³.
Erindið samþykkt og framkvæmdaleyfi verði í samræmi við greinargerð með aðalskipulagi, umhverfisskýrslu og leyfi Fiskistofu.
6. 1304012 - ES25-Stokkahlaðir, framkvæmdaleyfi
Rafn Helgason óskar eftir framkvæmdaleyfi til efnistöku að Stokkahlöðum til þriggja ára allt að 5.000 m³.
óskað er eftir tímasettri frágangsáætlun á þeim hluta námunnar sem ekki verður unnið í þannig að umfang
námunnar verði sem minnst.
Lokaafgreiðslu frestað.
7. 1304008 - Beiðni um umsögn - Aðalskipulagsbreyting hjá Ak. á þremur
þáttum
Akureyrarbær hefur óskað umsagnar um skipulagslýsingu vegna aðalskipulagsbreytinga á þrem þáttum í aðalskipulagi Akureyrar.
Skipulagsnefnd vísar til fyrri umsagnar um reiðleiðir á Akureyri. Að öðru leyti gerir skipulagsnefnd ekki athugasemdir við fyrirhugaðar breytingar.
8. 1304007 - Skipulagsmál varðandi grunnskóla í deiliskipulagi
Lagt fram til kynningar.
Fleira ekki gert. Fundi slitið kl. 19:30
