Dagskrá:
1. Umhverfis- og auðlindaráðuneytið - Fundur með þverpólitískri nefnd um stofnun þjóðgarðs á miðhálendinu - 1807002
Erindi lagt fram til kynningar. Skipulagsnefnd leggur áherslu á að verkefnið sé unnið í samráði við heimamenn og telur mörgum spurningum enn ósvarað áður en hægt er að taka afstöðu til málsins.
2. B. Hreiðarsson ehf. - Umsókn um framkvæmdaleyfi - 1910006
Erindi frestað þar sem umsögn vantar frá fiskistofu. Óskað eftir við sveitarstjóra að heyra í umsækjendum og leiðbeina varðandi uppsetningu umsóknar.
3. Sýslum. á Norðurl.eystra óskar eftir umsögn vegna umsóknar um rekstrarleyfi til sölu gistingar á Vökulandi III - 1910007
Skipulagsnefnd leggur til við sveitarstjórn að erindið sé samþykkt.
4. Beiðni um umsögn varðandi breytinga á skipulagi við Glerárskóla - 1908013
Skipulagsnefnd leggur til við sveitarstjórn að jákvæð umsögn sé veitt um erindið.
5. Háaborg - Umsókn um byggingarreit - 1906020
Grenndarkynningu á byggingaráformum Ragnars S. Ólafssonar í Háaborg lauk þann 7. október s.l. og barst eitt erindi á grenndarkynningartímabili. Skipulagsnefnd fjallar um athugasemdir sem í erindinu koma fram.
Skipulagsnefnd leggur til við sveitarstjórn að umsókn um byggingarreit í Háuborg sé samþykkt en að útgáfa byggingarleyfis verði skilyrt við það að fyrir liggi staðfesting Norðurorku fyrir því að viðeigandi magn heits vatns til kyndingar íbúðarhúsa á svæðinu verði fyrir hendi við lok framkvæmdartíma.
6. Teigur ehf. - Umsókn um framkvæmdaleyfi fyrir sandtöku - 1910028
Skipulagsnefnd leggur til við sveitarstjórn að landeiganda sé heimilað að taka 1.000 rúmmetra til eigin nota líkt og heimilað er í skipulagslögum.
Umsókn framkvæmdaleyfis frestað þar sem umsögn vantar frá fiskistofu. Óskað eftir við sveitarstjóra að heyra í umsækjendum og leiðbeina varðandi uppsetningu umsóknar.
7. Ósk um nafnabreytingu á Fífilgerði land nr. 152597 í Sólveigarstaðir - 1910005
Skipulagsnefnd leggur til við sveitarstjórn að erindið sé samþykkt.
8. Ósk um gerð reiðleiðar um leið og farið verður í vegaframkvæmdir meðfram Eyjafjarðará - 1910027
Anna Guðmundsdóttir víkur af fundi yfir þessum lið.
Skipulagsnefnd þakkar innsent erindi og bendir á að reiðleið er á gildandi aðalskipulagi vestan fyrirhugaðs vegstæðis.
9. Vökuland III - Umsókn um stöðuleyfi - 1910022
Skipulagsnefnd leggur til við sveitarstjórn að erindi sé samþykkt.
10. Stefna um stöðuleyfi - 1905023
Nefndin heldur áfram umfjöllun um veitingu stöðuleyfa í sveitarfélaginu. Málinu var frestað á 306. fundi nefndarinnar.
Skipulags- og byggingafulltrúi útfærir tillögur miðað við umræðu fundar. Málinu frestað.
11. Sýslum. á Norðurl.eystra óskar eftir umsögn um rekstrarleyfi fyrir veitingu veitinga - Freyvangsleikhúsið - 1910024
Skipulagsnefnd leggur til að sveitarstjórn samþykki erindið.
Fleira ekki gert. Fundi slitið kl. 17:10
