Dagskrá:
1. Hjallatröð 1 - Ósk um leyfi fyrir steyptum vegg og smáhýsi - 2109008
Halldór Sigurður Guðmundsson óskar eftir samþykki eiganda Hjallatraðar 3 vegna áforma um steyptan vegg á lóðarmörkum og skúr sem nær að lóðarmörkum. Erindinu fylgja uppdrættir frá Landslagi dags. 2021-08-04.
Skipulagsnefnd leggur til við sveitarstjórn að erindinu sé vísað í grenndarkynningu skv. 2. mgr. 43. gr. skipulagslaga nr. 123/2010. Heimilt sé að stytta tímabil grenndarkynningar ef allir hagsmunaaðilar lýsa yfir samþykki sínu skriflega skv. 3. mgr. 44. gr. sömu laga. Ef ekki berast andmæli á grenndarkynningatímabili telst erindið samþykkt.
2. Jóhann Jóhannesson - Umsókn um framkvæmdaleyfi - 2109015
Jóhann Jóhannesson sækir um framkvæmdaleyfi vegna 500 rúmmetra efnistöku úr áreyri við Eyjafjarðará í landi Stóra-Hamars.
Skipulagsnefnd telur að áformin rúmist innan heimildar landeiganda til minniháttar efnistöku til eigin notkunar sbr. 2. mgr. 13. gr. skipulagslaga nr. 123/2010 og leggur til við sveitarstjórn að ekki sé gerð athugasemd við erindið.
3. Deiliskipulag Hrafnagilshverfis - 1910034
Lilja Filippusdóttir og Árni Ólafsson hjá Teiknistofu Arkitekta koma á fund nefndarinnar og fara yfir stöðu deiliskipulags fyrir Hrafnagilshverfi.
Lagt fram til kynningar.
Fleira ekki gert. Fundi slitið kl. 10:15
