402 . fundur sveitarstjórnar Eyjafjarðarsveitar haldinn að Syðra Laugalandi, þriðjudaginn 3. maí 2011 og hófst
hann kl. 15:00.
Fundinn sátu:
Arnar árnason, Einar Gíslason, Kristín Kolbeinsdóttir, Karel Rafnsson, Bryndís þórhallsdóttir, Jón Stefánsson, Elmar
Sigurgeirsson, Jónas Vigfússon og Stefán árnason.
Fundargerð ritaði: Stefán árnason, Skrifstofustjóri.
Dagskrá:
1. 1104005F - Fjallskilanefnd Eyjafjarðarsveitar - 5
Fundargerð 5. fundar fjallskilanefndar tekin til
afgreiðslu eins og einstök mál bera með sér.
1.1. 1104011 - Fjallskil og fjárgöngur 2011
Afgreiðsla nefndarinnar er samþykkt.
2. 1104007F - Skipulagsnefnd Eyjafjarðarsveitar - 160
Fundargerð 160. fundar skipulagsnefndar tekin til afgreiðslu eins og einstök
mál bera með sér.
2.1. 1009016 - Setning reglna um umferð hesta- og hjólamanna
Afgreiðsla nefndarinnar samþykkt.
2.2. 1101011 - Stígur milli Reykárhverfis og Akureyrar
Gefur ekki tilefni til ályktana.
2.3. 1104014 - Hríshóll - staðsetning heygeymslu
Afgreiðsla nefndarinnar er samþykkt.
3. 1104012 - 134. fundur Heilbrigðisnefndar
Fundargerðin er lögð fram til kynningar.
4. 1104015 - ársreikningur Eyjafjarðarsveitar 2010, fyrri umræða
á fundinn mætti þorsteinn þorsteinsson, endurskoðandi og fór yfir ársreikning ársins 2010. Samþykkt að vísa
reikningnum til síðari umræðu.
5. 1104008 - Styrkbeiðni bókasafns HA v/safns Kristjáns Karlssonar um enskan skáldskap
Erindi frá Háskólanum á Akureyri þar sem óskað er eftir styrk kr. 50.000 - 100.000.- til að gera Kristjáni Karlssyni skáldi
og bókmenntafræðingi kleift að færa bókasafni Háskólans á Akureyri safn sitt af bókum. Erindinu er hafnað.
6. 1003011 - Breyting á samþykkt um gatnagerðargjald
Sveitarstjórn samþykkir að fella niður gatnagerðargjald
á lóðum nr. 2, 4, 6 og 8 við Bakkatröð. Gatnagerðargjaldið er fellt niður tímabundið vegna atvinnuuppbyggingar og verður
byggingarréttur boðinn út með opnu útboði. Lögð verði áhersla á að hafist verði handa við uppbyggingu sem fyrst og að byggt
verði á sem flestum lóðum.
Við mat á tilboðum verði horft til eftirfarandi þátta:
Greiðslugeta til að byggja íbúðarhús þarf að vera fyrir hendi.
Hefja þarf framkvæmdir á árinu annars falli byggingarréttur úr gildi.
Hús þarf að vera fokhelt innan árs frá úthlutun og utanhússfrágangi húss og lóðar lokið innan tveggja ára. Að
öðrum kosti verði lagt á 30% gatnagerðargjalds (um 1,5 Mkr.) í hvoru tilviki. Gengið verði frá þessari kvöð í
lóðarleigusamningi.
Verð á byggingarrétti ráði.
Sveitarstjóra falið að auglýsa útboð.
7. 1103002 - Ungfolahólf
Fyrir fundinum lá minnisblað frá sveitarstjóra þar sem listað er upp það land sem
sveitarfélagið á og hvernig því er ráðstafað í dag. Sveitarstjóra er falið að móta reglur um
ráðstöfun lands í eigu sveitarfélagsins.
8. 1008016 - Heimilisfræði - breyting á húsnæði heimavistar
Lagt fram til kynningar niðurstaða úr úboði á breytingum og innréttingu eldhúss og heimilisfræðikennslustofu í
heimavistarhúsi.
9. 1002007 - Syðra-Laugaland, ráðstöfun fasteigna
Kristín Kolbeinsdóttir og Einar Gíslason véku af fundi vegna
vanhæfi meðan erindið var rætt og afgreitt.
Fyrir fundinum lá kauptilboð kr. 36,5 millj. í eignina Syðra Laugaland, skrifstofuhús. Tilboðsgjafar eru Grettir Hjörleifsson
og Kristín Kolbeinsdóttir. Sveitarstjórn samþykkir samhljóða tilboðið og veitir sveitarstjóra umboð til að ganga frá
sölunni.
10. 1006012 - Skipan í nefndir, ráð og stjórnir 2010-2014, skv. 51. grein samþykktarar um stjórn og fundarsköp
Eyjafjarðarsveitar
Hrund Hlöðversdóttir sem ráðin hefur verið aðstoðarskólastjóri leikskóladeildar lætur af setu í skólanefnd.
í stað Hrundar sem aðalmaður í skólanefnd kemur Sigmundur Guðmundsson. Nýr varamaður fyrir F-listann er Kristín Sigurðardóttir,
Berglandi.
ákveðið að sveitarstjóri verði fulltrúi sveitarfélagsins á aðalfund AFE.
11. 1103018 - Eyjafjarðarsveit - Viðskiptabanki
í framhaldi af bókun sveitarstjórnar Eyjafjarðarsveitar frá 22. mars 2011, hefur farið fram könnun á
þjónustugjöldum viðskiptabanka og sparisjóða á Akureyri og nágrenni. Auk þess hefur verið fundað með núverandi
viðskiptabanka Eyjafjarðarsveitar, Arion banka.
Með hliðsjón af þessari vinnu og niðurstöðu hennar samþykkir sveitarstjórn að ganga til samninga við BYR sparisjóð um
bankaviðskipti sveitarfélagsins og er sveitarstjóra og skrifstofustjóra falið að ganga frá samningi þar um.
Aftur vill sveitarstjórn þakka starfsmönnum Arion banka á Akureyri fyrir gott samstarf og samskipti til margra ára en sú staða sem uppi er nú
varðandi launaþróun og stefnu bankans er að mati sveitastjórnar óásættanleg og er það yfirstjórnar bankans að taka á
því máli.
í kjölfar kreppunnar þurfti Eyjafjarðarsveit, eins og mörg önnur sveitarfélög, að bregðast við til að lækka rekstrarkostnað
sveitarfélagsins og í október 2008 var gripið til aðgerða sem kölluðu á sársaukafullan niðurskurð m.a. uppsagnir
fólks, lækkun launa og kröfu um meira vinnuframlag allra sem að rekstri sveitarfélagsins koma. Með þessum aðgerðum, skilningi og
góðri samstöðu starfsmanna og íbúa hefur tekist að halda þeirri góðu fjárhagsstöðu sem sveitarfélagið hefur
haft.
ástæður þess að gripið er til þessara aðgerða er megn óánægja sveitarstjórnar með þá launastefnu
sem virðist vera að ryðja sér til rúms á ný í nokkrum fjármálastofnunum landsins á sama tíma og einstaklingar,
fyrirtæki og sveitarfélög eru að vinna úr afleiðingum fallsins með áðurnefndum hætti. það má öllum vera
ljóst að fjármunir til rekstrar þessara bankastofnana eru sóttir til viðskiptavina sem eru nauðsynleg uppspretta þess fjár sem
þarf til að greiða laun og annan rekstrarkostnað.
Sveitarstjórn skorar á fyrirtæki, félög, stofnanir og einstaklinga að vera meðvitaðir um þá þróun sem á sér
stað í þeim fjármálastofnunum sem þeir eiga viðskipti við og koma óánægju sinni á framfæri ef þörf er
á t.d. með því að flytja viðskipti sín. Aðeins á þann hátt er mögulegt að hafa áhrif á stefnu
fjármálastofnana sem oft á tíðum virðist alls ekki vera í neinum takti við fólkið í landinu.
Fleira ekki gert. Fundi slitið kl. 16:40
