120. fundur umhverfisnefndar Eyjafjardarsveitar
haldinn í fundarstofu 2, Skólatröð 9, þriðjudaginn 2. október 2012 og hófst hann kl. 17:00.
Fundinn sátu:
Brynhildur Bjarnadóttir formaður, Hulda M Jónsdóttir aðalmaður, Brynjar Skúlason aðalmaður, Björk Sigurðardóttir aðalmaður og
Jónas Vigfússon sveitarstjóri.
Fundargerð ritaði: Brynhildur Bjarnadóttir, formaður.
Valur ásmundsson boðaði forföll og varamaður sá sér ekki fært að mæta.
Dagskrá:
1. 0711031 - Kerfill - átaksverkefni um eyðingu kerfils
Farið var yfir stöðuna á verkefninu og styrkumsóknir vegna kerfilsverkefnisins 2012. Nefndarmenn voru nokkuð ánægðir með hvernig til hefur
tekist og víða hefur fólk ráðist í eyðingu kerfils. Borist hafa reikningar af keyptri vinnu vegna úðunar að upphæð 1.064.974 og
verður endurgreiðsluhlutfall vegna þeirra u.þ.b. 28%.
2. 1209032 - Hreinsunarmál 2012
Borist hafa athugasemdir varðandi hreinsunarmál á ákveðnum stöðum í sveitinni. Nefndin leggur til að sveitastjóri setji sig í
samband við landeigendur og hlutist til um umbætur. Einnig verður sett auglýsing í sveitapóst þar sem landeigendur almennt eru hvattir til betri
umgengni.
3. 1209036 - Sorpmál-staða eftir breytingar
Almennt rætt um stöðu sorphirðumála ári eftir að nýtt kerfi var sett á laggirnar og farið var yfir rekstraráætlun.
Nefndarmenn ánægðir með fyrirkomulagið og virðist reksturinn vera á áætlun. Sérstaklega rætt um förgun dýraleifa og
sveitarstjóra falið að fylgjast með þeim breytingum sem framundan eru í sorpbrennslumálum á Húsavík.
4. 1003003 - ólyktar-mengun frá jarðgerðarstöð Moltu
Borist hefur erindi frá íbúum í sveitarfélaginu þar sem óskað er eftir fundi. Sveitarstjóra falið að finna fundartíma
og boða fund.
5. 1206009 - Landsáætlun um meðhöndlun úrgangs 2013-2024
Lagt fram til kynningar.
Fleira ekki gert. Fundi slitið kl. 18:50