Íþrótta- og tómstundastyrkur

Eyjafjarðarsveit veitir foreldrum/forráðamönnum barna og ungmenna styrki vegna íþrótta- og tómstundaiðkunar. Meginmarkmið íþrótta- og tómstundastyrkja er að stuðla að aukinni hreyfingu og félagsþátttöku barna í sveitarfélaginu. Styrkurinn er veittur vegna æfingagjalda barna og ungmenna á aldrinum 6-17 ára (árið sem þau verða sex ára til og með ársins sem þau verða 17 ára) með lögheimili í Eyjafjarðarsveit. Styrkhæft er hvers konar reglulegt íþrótta- og tómstundastarf. Fjárhæð styrks er ákveðin ár hvert í sveitarstjórn að fengnum tillögum frá velferðar- og menningarnefnd.

Athugið að frá og með janúar 2026 er ekki um beingreiðslur til forráðamanna að ræða, heldur hafa forráðamenn rétt til að ráðstafa tilgreindri upphæð í nafni barns síns til niðurgreiðslu á þátttöku- og æfingagjöldum.

• Forráðamenn skrá iðkendur í Abler kerfið í gegnum heimasíðu viðkomandi félags.
• Í skráningarferlinu, þar sem er meðal annars er gengið frá greiðslu námskeiðs geta forráðamenn valið að ráðstafa frístundastyrk iðkandans hjá viðkomandi félagi/deild/fyrirtæki rafrænt.
• Ekki er hægt að ráðstafa hærri upphæð til félags en námskeiðið kostar. Ef upphæð námskeiðs er hærri en ráðstöfunin er mismunur greiddur til félagsins.
• Þegar forráðamaður staðfestir þátttöku barns fær viðkomandi félag/deild/fyrirtæki og Eyjafjarðarsveit staðfestingu þar um.
• Eyjafjarðarsveit greiðir frístundastyrki til viðkomandi íþróttafélag/deild/fyrirtækis í byrjun hvers mánaðar fyrir skráða styrki mánuðinn á unda.
• Í kvittun til þátttakenda um námskeiðskostnað skal félag tilgreina hlut sveitarfélagsins í greiðslu vegna námskeiðsgjaldsins.
• Umsóknartímabilið er almanaksárið. Ónýttir frístundastyrkir flytjast/geymast ekki milli ára.

Listi yfir íþrótta- og tómstundafélög og fyrirtæki sem hægt er að nýta íþrótta- og tómstundastyrki Eyjafjarðarsveitar hjá:

• Ungmennafélagið Samherjar
• Golfklúbbur Akureyrar
• KA - Blakdeild
• KA - Fimleikadeild
• KA - Handknattleiksdeild
• KA - Knattspyrnudeild
• KA - Júdódeild
• Skautafélag Akureyrar - Listhlaupadeild
• Skautafélag Akureyrar - Íshokkídeild
• Skátafélagið Klakkur
• Skíðafélag Akureyrar
• Ungmennafélag Akureyrar
• Þór - Handknattleiksdeild
• Þór - Hnefaleikadeild
• Þór - Píludeild
• Þór - Knattspyrnudeild
• Þór - Körfuknattleiksdeild
• Þór - Taekwondo deild
• Þór/KA
• 600 Klifur
• BJJ Atlantic AK
• Braggaparkið
• DSA - Dancestudíó Alice
• STEPS Dancecenter ehf.
• Bjarg Líkamsrækt
• Norður Akureyri
• World Class

Ný félög og fyrirtæki

Nýjir aðilar sem óska eftir að taka við frístundastyrk Eyjafjarðarsveitar þurfa að sækja um það til forstöðumanns íþróttamiðstöðvar Eyjafjarðarsveitar (itrottamidstod.forstodumadur@esveit.is) með nánari upplýsingum um frístundastarf viðkomandi aðila og ósk um að tengjast við kerfi Eyjafjarðarsveitar innan Abler skráningarkerfisins. Tenging við Abler-kerfið er skilyrði fyrir því að geta tekið við frístundastyrk.