Fréttayfirlit

Gangnaseðlar 2022 vegna sauðfjár liggja nú fyrir og má nálgast hér.

Eyjafjarðarsveit auglýsir lóð 21 í Bakkatröð Hrafnagilshverfis. Á lóðinni skal byggja einbýlishús samkvæmt skilyrðum deiliskipulags en húsið skal reist á staurum. Eitt hús er í byggingu á svæðinu með sama fyrirkomulagi. Bakkatröð 21 er síðasta lausa lóðin við bötuna.

Þeir sem halda allt sauðfé og öll hross heima eru beðnir að tilkynna það til skrifstofu Eyjafjarðarsveitar í seinasta lagi þriðjudaginn 16. ágúst með tölvupósti á póstfangið esveit@esveit.is eða í síma 463-0600. Lagt verður á eftir forðagæsluskýrslum þeirra sem sleppa á afrétt. Þá verður lagt á eftirgjald í fjallskilasjóð kr. 60 fyrir hverja kind og hvert hross sömu aðila.

Sveitarstjórn Eyjafjarðarsveitar - 591 FUNDARBOÐ 591. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, 11. ágúst 2022 og hefst kl. 8:00.

Tónmenntakennari, afleysing frá október 2022. Óskum eftir að ráða kennara til að leiða tónlistarstarf og kenna tónmennt í Hrafnagilsskóla og leikskólanum Krummakoti. Leitað er eftir kennara sem getur unnið að fjölbreyttum verkefnum tengdum tónlist og tónsköpun. Hrafnagilsskóli hefur verið leiðandi í öflugu tónlistarstarfi á landsvísu. Í skólanum er m.a. samþætting tónlistar við hinar ýmsu námsgreinar og söngur á daglegum samverustundum. Ráðið er í starfið frá október 2022 og nær ráðningin til 31. júlí 2023. Reynsla af kennslu og vinnu með börnum er æskileg. Leitað er eftir tónmenntakennara sem; er tónlistarmenntaður. sýnir metnað í starfi. býr yfir frumkvæði, skipulagsfærni og sýnir sjálfstæði í vinnubrögðum. vinnur í góðri samvinnu við starfsfólk, nemendur og foreldra. Karlkyns starfsmaður í íþróttamiðstöð og skólaliði. Óskum eftir að ráða starfsmann í baðvörslu í karlaklefa sundlaugar og íþróttahúss. Viðkomandi sinnir einnig störfum sem falla undir starfssvið skólaliða grunnskóla. Um er að ræða 80% starfshlutfall. Starfsmaður vinnur fjóra virka daga í viku frá klukkan 6:00 til klukkan 14:00. Viðkomandi þarf að standast hæfnispróf sundstaða og geta hafið störf sem fyrst. Leitað er eftir starfsmanni sem; sýnir metnað og sjálfstæði í starfi. vinnur í góðri samvinnu við sundlaugargesti, starfsfólk og nemendur. Nánari upplýsingar veita skólastjórar í síma 464-8100 og 699-4209. Umsóknarfrestur er til og með 14. ágúst 2022 og sótt er um með því að senda netpóst á netföngin, hrund@krummi.is eða bjork@krummi.is.