Auglýsingablaðið

Auglýsingablað 1086. tbl. 13. árg. 30. mars 2021.

Sveitarstjórnarfundur
562. fundur sveitarstjórnar Eyjafjarðarsveitar verður haldinn í fundarherbergi sveitarstjórnar, Skólatröð 9, fimmtudaginn 8. apríl og hefst hann kl. 15:00.
Dagskrá fundarins verður kynnt á upplýsingatöflu í anddyri skrifstofunnar og á heimasíðu sveitarfélagsins.

Hátíðarmessu á Páskadag í Grundarkirkju aflýst
Enn á ný erum við tilneydd til að aflýsa helgihaldi vegna samkomutakmarkana sem gilda næstu vikurnar. Helgistund verður streymt á síðu kirkjunnar í Eyjafjarðarsveit á Páskadag.
Það er von mín, kórsins, kórstjóra, sóknarnefndafólks og sjálfboðaliða að við getum öll komið saman sem fyrst í kirkjum sveitarinnar.

Almenn prestsþjónusta er alltaf aðgengileg og hægt að bóka viðtal í síma: 696-1112 eða í gegnum tölvupóst: johanna.gi@kirkjan.is.
Gleðilega páska!
Jóhanna prestur.

Aðalfundur Kaupangssóknar verður haldinn í Kaupangskirkju þriðjudaginn
20. apríl kl. 20:00 (ef sóttvarnarreglur leyfa).
Dagskrá: venjuleg aðalfundarstörf, önnur mál.
Allir velkomnir.
Sóknarnefnd.

Páskaleikur Hrönn Volare – til og með 8. apríl
Vinningur: vörur að eigin vali úr bæklingi að verðmæti allt að 10.000 kr. (eða endurgreiðsla/lækkun á eigin pöntun dagana 25.03-8.04). Í hattinn fara nöfn þeirra sem versla vörur fyrir 5.000 kr. eða meira, hjá Hrönn Volare frá 25. mars til og með 8. apríl, dregið verður 10. apríl nk.
Hægt er að skoða vörurnar á facebooksíðunni Hrönn Volare. Einnig er hægt að fá afhentan bækling. Nánari upplýsingar og pantanir í skilaboðum á facebook Hrönn Volare eða hjá Hrönn í síma 866-2796.