Eyjafjarðarsveit

Litla yogastofan býður jógatíma í Hjartanu í Hrafnagilsskóla alla fimmtudaga kl. 17:00-18:15. Rólegt flæði sem ætti að vera aðgengilegt jafnt fyrir byrjendur sem lengra komna. Tímanum lýkur með leiddri slökun.

Þjóðháttafélagið Handraðinn kynnir handverkskonuna Karin Lundholm. Karin er væntanleg hingað til lands til að kynna handverk úr næfur, sem er ytra lagið af berki birkis. Karin flytur fræðsluerindi um næfrina í Laugarborg, sunnudaginn 25. október kl 16, um leið og sýning á næfurhandverki verður formlega opnuð. Munirnir verða einnig til sölu. Tvö námskeið verða haldin hér í Eyjafjarðarsveit dagana sem hún dvelur á landinu og bókuðust plássin hratt upp. Karin til halds og trausts er einnig handverkskonan Paulina Hermansson.

Útsynningur er glænýtt gamanverk eftir Hjálmar Arinbjarnarson, sem gerist í búningsklefa hjá áhugaleikfélagi úti á landi sem er með aðstöðu í félagsheimili sveitarinnar. Það er ýmislegt sem gengur á þegar hóp af fólki er troðið saman í lítið rými, rifrildi, sættir, skilningur og misskilningur, mis góð lykt og drasl útum allt. Svo ekki sé talað um glataða húsvörðinn sem á að vera að sjá um þetta félagsheimili. Sýningar verða eingöngu í október og er miðasala á tix.is og í síma 857-5598.

Sýning í Félagsborg 1. nóvember kl. 14–18. Tvö námskeið verða haldin þessa daga og eru örfá sæti laus á helgarnámskeiðið. Upplýsingar og skráning hjá Sigríði Hrefnu í tölvupósti á sigga@hjalmsstadir.com