Auglýsingablaðið

Auglýsingablað 1210. tbl. 15. árg. 27. september 2023.

Hrossasmölun og stóðréttir 2023
Hrossasmölun verður föstudaginn 6. október og stóðréttir í framhaldi
þann 7. október kl. 10:00 í Þverárrétt og kl. 13:00 í Melgerðismelarétt.
Gangnaseðlar eru aðgengilegir á heimasíðu Eyjafjarðarsveitar.

Menningarsjóður Eyjafjarðarsveitar auglýsir eftir umsóknum fyrir 15. október vegna úthlutunar úr sjóðnum 1. nóvember næstkomandi.
Tilgangur Menningarsjóðs Eyjafjarðarsveitar er að styrkja menningarverkefni í Eyjafjarðarsveit, að leggja til framlag til kaupa á listaverkum fyrir Eyjafjarðarsveit, að styrkja listamenn, félög og fræðimenn og aðra þá sem stjórn sjóðsins ákveður hverju sinni og að fjármagna þau sérverkefni sem sjóðsstjórn kann að ákveða hverju sinni. Nánari upplýsingar er að finna á heimasíðu Eyjafjarðarsveitar www.esveit.is

Frá Félagi eldri borgara í Eyjafjarðarsveit
Nú er ákveðið að við fáum tíma í íþróttahúsinu á föstudögum kl. 11:20-12:20 og verður Helga Sigfúsdóttir þá með okkur til þjálfunar. Minnum einnig á tímann okkar á miðvikudögum kl. 10:45-12:00.
Stjórnin.

Bleika slaufan í október
Dekurdagar verða dagana 5.-8. október nk. og verða þá m.a. seldar bleikar slaufur til að setja á ljósastaura/póstkassa til styrktar Krabbameinsfélagi Akureyrar og nágrennis (KAON) líkt og undanfarin ár. Slaufan kostar 5.000 kr. (að lágmarki).
Í fyrra söfnuðust rúmar 800 þúsund kr. í Eyjafjarðarsveit. Upphæðin verður afhent KAON og Dekurdögum í lok október.
Lionsklúbburinn Sif í Eyjafjarðarsveit mun setja slaufurnar upp í lok september og taka þær niður í lok október.

Pantanir þurfa að berast fyrir lok fimmtudagsins 28. september á lionsklubburinnsif@gmail.com eða selmadogg@simnet.is
Ykkar stuðningur skiptir máli.
Með fyrirfram þökkum, Lionsklúbburinn Sif.

Bleika flugan til styrktar KAON
Er með bleikar laxaflugur frá BM flugum til sölu út október á 1.000 kr./stk. flugurnar voru sérstaklega hannaðar fyrir þetta verkefni. 1.000 kallinn rennur óskiptur til styrktar Krabbameinsfélagi Akureyrar og nágrennis.
Pantanir í síma 866-2796 eða hronn1971@gmail.com, Hrönn.

Dagbókin Tíminn minn 2024 – Kvenfélagið Iðunn verður með dagbókina Tíminn minn 2024 til sölu í haust. Allur ágóði rennur í hjálparsjóð Iðunnar. Nánar auglýst síðar. Forpantanir hjá Hrönn í síma 866-2796 eða á idunnhab@gmail.com.

Haustfundur Kvenfélagsins Iðunnar 2023
Þann 6. október kl. 19:30 verður haustfundur Iðunnar haldinn í gamla barnaskólanum í Skógum í Fnjóskadal. Búið er að senda fundarboð
bréfleiðis með dagskrá, matseðli og fleiri upplýsingum.
Minnum Iðunnarkonur á að skrá sig í síðasta lagi núna fimmtudaginn
28. september hjá Hrönn ritara, í síma 866-2796 eða með tölvupósti á idunnhab@gmail.com.
Nýjar konur velkomnar – munið bara að skrá ykkur eins og áður sagði 😉
Stjórnin.

Samlestur í Freyvangi
Föstudaginn 29. sept. kl. 20:00 samlestur á jólaverkinu okkar
Bangsímon og Gríslingur í jólasveinaleit.
Allir velkomnir.

Bingó í Freyvangi
Laugardaginn 30. sept. kl. 14:00 bingó.
Fullt af flottum vinningum, spjaldið á 500 kr., posi á staðnum og sjoppan opin.
Hlökkum til að sjá ykkur.

Kæru sveitungar
Tímaritið okkar Eyvindur kemur út fyrir jólin eins og venjulega.
Því óskum við eftir að fá sent til okkar t.d. skemmtilegar sögur, ljóð eða annað sem þið hafið samið til að birta. Eins eru ábendingar vel þegnar um spennandi viðtals- eða umfjöllunarefni, jafnvel ljósmyndir fyrr og nú, samanburð af húsum eða sjónarhorni, hvað eina sem ykkur dettur í hug og gæti átt erindi í Eyvind.
Kær kveðja frá ritnefnd
Benjamín Baldursson s: 899-3585, tjarnir@simnet.is
Berglind Kristinsdóttir s: 693-6524, berglind@esveit.is
Arnbjörg Jóhannsdóttir s: 894-6922, kvistar@internet.is
Snæfríð Egilson, snaefrid66@gmail.com
Arnór Bliki Hallmundsson s: 864-8417, hallmundsson@gmail.com

Vökuland Vellíðunarsetur
•Námskeið í Jóga Nidra á mánudögum, byrjar 9. okt.-13. nóv. kl. 17:00-18:00.
Verð 12.900 kr.
•Jógaflæði og gong á þriðjudögum kl. 17:30-18:45.
•Hljóðbað (Soundbath) miðvikudaga byrjar 4. okt. kl. 17:00-18:00. Verð 2.500 kr.
•Treystu ferlinu – Sacred Sound Journey 14. okt., 13. nóv. og 12. des. / 2,5 klst. m/kakó 4.500 kr.
•Bowen meðferð einstaklings/para.
•Regndropameðferð/Bakdekur/Fótadekur.

Önnur námskeið
•Plöntuhengi 7. okt. kl. 16:00-18:00 með Flóð & fjara.
•Vegghengi 8. okt. kl. 12:00-14:00 með Flóð & fjara.
•Helgarnámskeiðið Prjón og samvera 3.-5. nóv.

Skráning á námskeið og í viðburði hjá info@vokulandwellness.is
eða í s. 663-0498. www.vokulandwellness.is