Fréttayfirlit

Vegagerðin opnar nýjan umferðarvef, umferdin.is, á morgunfundi nk. fimmtudag. Vefurinn mun sinna því hlutverki sem núverandi færðarkort Vegagerðarinnar hefur sinnt um árabil og flestir vegfarendur þekkja vel. Nýi vefurinn verður mun aðgengilegri, sérstaklega í snjalltækjum, og mun gefa mun meiri möguleika til framþróunar. Vefurinn umferdin.is birtir færðar- og veðurupplýsingar Vegagerðarinnar sem nú má sjá á færðarkorti á vefnum vegagerdin.is. Búið er að færa færðarkortið og þær upplýsingar sem því fylgja til nútímalegra horfs. Sem dæmi er færðarkortið nú þysjanlegt og mun auðveldara að nálgast allar upplýsingar. Nýr vefur mun einnig auðvelda Vegagerðinni að bæta og auka alla upplýsingagjöf og þróa til framtíðar. Í vetur verða bæði nýr og eldri vefur aðgengilegir og uppfærðir meðan reynsla fæst af hinum nýja vef. Dagskrá Bergþóra Þorkelsdóttir, forstjóri Vegagerðarinnar opnar fundinn Hvað felst í nýjum vef, Bergþóra Kristinsdóttir, framkvæmdastjóri þjónustusviðs Vegagerðarinnar kynnir hinn nýja vef Using DATEXII in Iceland Robin Tenhagen frá TomTom segir frá reynslu fyrirtækisins af því að nýta umferðar- og færðarupplýsingar Vegagerðarinnar Systurvefurinn sjólag.is Helgi Gunnarsson, verkfræðingur á hafnadeild Vegagerðarinnar kynnir vefinn Fundurinn hefst klukkan 9 í höfuðstöðvum Vegagerðarinnar, Suðurhrauni 3 í Garðabæ. Allir er velkomnir en óskað er eftir að fólk skrái sig hér: https://forms.office.com/r/ws9MGm76AU Fundinum verður einnig streymt fyrir þá sem heima sitja. Hlekkur á streymið; https://livestream.com/accounts/5108236/events/10648669 Fyrirspurnir er hægt að senda inn í gegnum slido.com aðgangskóði: #umferdin

Seinni kynningarfundur Uppbyggingarsjóðs verður í hádeginu á morgun 19. október 2022 kl. 12:15-13:00. Kynningin fer fram í gegnum TEAMS og fá skráðir þátttakendur sent fundarboð. Vinsamlegast athugaðu að skrá þig fyrir kl. 10:00 á morgun til að tryggja að þú fáir fundarboð á tilsettum tíma. Smelltu hér til að skrá þig: https://forms.office.com/r/X9Rbpg04nM Fundurinn hefst á kynningu á Uppbyggingarsjóði, þá er farið í gegnum hagnýt ráð við umsóknarskrifin, verklagsreglur ræddar og fleira. Opið verður fyrir spurningar á meðan á fundi stendur. Fundurinn verður ekki tekinn upp.

Sveitarstjórn Eyjafjarðarsveitar - 596 FUNDARBOÐ 596. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, fimmtudaginn 20. október 2022 og hefst kl. 08:00.

Opið verður fyrir umsóknir í Uppbyggingarsjóð Norðurlands eystra frá kl. 13:00 miðvikudaginn 12. október, til kl. 13:00 fimmtudaginn 17. nóvember 2022. Úthlutun fer fram í lok janúar 2023. Veittir eru styrir í eftirfarandi þremur flokkum: Verkefnastyrkir á sviði atvinnuþróunar og nýsköpunar Verkefnastyrkir á sviði menningar Stofn- og rekstrarstyrkir á sviði menningar

Hafin er vinna við gerð fjárhagsáætlunar Eyjafjarðarsveitar fyrir árin 2024-2026. Því er auglýst eftir erindum, umsóknum, tillögum og ábendingum íbúa, félagasamtaka og fyrirtækja í Eyjafjarðarsveit um mál sem varða gerð fjárhagsáætlunar. Þeir aðilar sem vilja koma með erindi, umsóknir, tillögur og/eða ábendingar er bent á að senda þær á esveit@esveit.is í síðasta lagi 31. október 2022.

Um er að ræða 100% stöðu leikskólakennara/leiðbeinanda Leikskólakennari, leikskólaliði eða starfsmaður með aðra menntun sem nýtist í starfi og/eða reynslu af vinnu með ungum börnum óskast til starfa í leikskólanum Krummakoti. Í leikskólanum er 100% stöðugildi skipulagt sem 37 klukkustundir á viku. Leikskólinn er í Hrafnagilshverfi, aðeins tíu kílómetra sunnan Akureyrar. Á Krummakoti eru 65 dásamleg börn sem eru á aldrinum 1 - 6 ára. Svæðið í kringum skólann er sannkölluð náttúruperla, útikennslusvæðið stórt og gönguleiðir víða. Við leggjum áherslu á jákvæðan aga, söguaðferð (story line) og útikennslu. Starfsmannahópurinn á Krummakoti er öflugur og stendur þétt saman. Unnið er að byggingu nýs húsnæðis fyrir leikskólann sem stefnt er á að opna árið 2024 og gefst því færi á að taka þátt í spennandi tímum og mótun starfsins í nýju húsnæði. Við mat á umsóknum er horft til eftirfarandi: Leyfisbréf sem leikskólakennari, uppeldismenntun eða önnur menntun sem nýtist í starfi. Reynsla af uppeldis- og kennslustörfum með ungum börnum æskileg. Framúrskarandi samskiptahæfileikar. Metnaður og áhugi til að þróa gott skólastarf. Góð íslenskukunnátta. Frekari upplýsingar veitir Erna Káradóttir leikskólastjóri í síma 464-8120, netfang erna@krummi.is. Umsóknarfrestur er til 24. október 2022 Umsóknum skal fylgja ferilskrá og upplýsingar um meðmælendur. Umsóknir sendist til leikskólastjóra á netfangið erna@krummi.is

Sveitarstjórn Eyjafjarðarsveitar fjallaði um Ályktun varðandi tryggingavernd bænda, á 595. fundi sínum þann 6.10.2022. Eftirfarandi ályktun var samþykkt samhljóða: "Sveitarstjórn Eyjafjarðarsveitar skorar á landbúnaðarráðherra að stofna nýja umgjörð um tryggingavernd bænda þar sem tekið verður á fleiri áhættuþáttum en þeim sem skyldu og valfrjálsar tryggingar taka á t.d. tjón í kjölfar náttúruhamfara og annarra óvæntra áfalla. Sveitarstjórn telur mjög mikilvægt að bændur geti tryggt afkomu sína með mun betri hætti en er í dag, enda mun það stuðla að fæðuöryggi í landinu. Jafnframt óskar sveitarstjórn Eyjafjarðarsveitar eftir því að fá fund með landbúnaðarráðherra um matvælaframleiðslu framtíðarinnar."

Innviðaráðuneytið , í samvinnu við landshlutasamtök sveitarfélaga, býður íbúum í öllum landshlutum til opins samráðs á fjarfundum í október undir yfirskriftinni Vörðum leiðina saman. Á fjarfundunum verður kastljósinu beint að framtíðaráskorunum í málaflokkum ráðuneytisins. Meginviðfangsefni þeirra verða umræður um stefnumótun í samgöngum, sveitarstjórnarmálum og húsnæðis- og skipulagsmálum. Einnig verður nýsamþykkt byggðaáætlun kynnt. Samráðsfundur á Norðurland eystra verður haldinn 19. október milli kl. 15.00-17.00. Fundurinn verður haldin í gegnum fjarfundarbúnaðinn Teams en nauðsynlegt er að skrá sig. Skráningu líkur daginn fyrir fund og þátttakendur frá boð í tölvupósti til að tengjast fundinum. Skráning er hér

Sveitarstjórn Eyjafjarðarsveitar - 595 FUNDARBOÐ 595. fundur sveitarstjórnar Eyjafjarðarsveitar verður haldinn í fundarstofu 2, Skólatröð 9, fimmtudaginn 6. október 2022 og hefst kl. 08:00 Dagskrá: Fundargerðir til samþykktar 1. Atvinnu- og umhverfisnefnd - 2 - 2209005F 1.1 2209037 - Birkifræsöfnun í Garðsárreit 1.2 2205018 - Skipan í nefndir og ráð 2022 til 2026 1.3 2209031 - Nýsköpunarstefna Eyjafjarðarsveitar 1.4 2209032 - Nýsköpunarsjóður 1.5 2209034 - Sjálfbærnismiðja í Eyjafjarðarsveit 1.6 2209033 - Verkefni atvinnu- og umhverfisnefndar og áherslur fyrir fjárhagsáætlun 1.7 2209013 - Umhverfisstofnun - Skil á refa- og minkaveiðiskýrslu 2021-2022 og áætlun um refaveiðar 2023-2025 1.8 1905022 - Umferðaröryggisáætlun Eyjafjarðarsveitar 2. Skipulagsnefnd Eyjafjarðarsveitar - 375 - 2209008F 2.1 2208022 - Örk - Umsókn um tvo byggingarreiti 2.2 2209038 - Umsókn um framkvæmdaleyfi - Vegagerð í landi Brúarlands 2.3 2209041 - Skógræktarfélag Íslands - Ályktun til sveitarfélaga 2.4 2209049 - Reiðvegur milli Mjaðmár og Bringu - framkvæmdaleyfisumsókn 2.5 2209030 - Litlahlíð - stækkun bílgeymslu 2.6 2104003 - Kroppur - Íbúðasvæði 2.7 2208023 - Ölduhverfi framkvæmdaleyfi vegna vinnubúða 2.8 2208016 - Ytri-Varðgjá 3 - íbúðir og hótel Fundargerðir til kynningar 3. Aðalfundur skipulags- og byggingarfulltrúa Eyjafjarðar 6.09.22 - 2209017 Almenn erindi 4. Sala fasteigna - Sólgarður - 2208011 5. Fjárhagsáætlun Eyjafjarðarsveitar 2023 - 2026 fyrri umræða - 2209039 04.10.2022 Stefán Árnason, skrifstofustjóri.

Hrossasmölun verður föstudaginn 30. september og stóðréttir í framhaldi þann 1. október kl. 10:00 í Þverárrétt og kl. 13:00 í Melgerðismelarétt.