94. fundur skipulagsnefndar haldinn í fundarsal sveitarstjórnar að Syðra-Laugalandi mánudaginn 3. des. kl. 18.15.
Mætt:
óli þór ástvaldsson, Brynjar Skúlason, Emilía Baldursdóttir, Einar G. Jóhannsson og Karel Rafnsson. Bjarni Kristjánsson,
sveitarstjóri, skráði fundargerð. Fyrirspurn um matsskyldu, stækkun Akureyrarflugvallar, erindi Skipulagsstofnunar dags. 19. nóv. 2007, lagt fram til
kynningar.
1. Fyrirspurn um matsskyldu, stækkun Akureyrarflugvallar, erindi Skipulagsstofnunar dags. 19. nóv. 2007.
Erindið var lagt fram til kynningar á 93. fundi nefndarinnar hinn 27. nóv. s. l. og þá gerð grein fyrir því með eftirfarandi hætti:
"Með erindinu fylgir greinargerð Flugstoða, Akureyrarflugvöllur, lenging flugvallar, tilkynning um framkvæmd, dags. í nóv. 2007, unnin af Línuhönnun
og Verkfræðistofu Norðurlands ehf. Greinargerðin er í 6 meginköflum auk heimildaskrár og uppdrátta er gerð grein fyrir fyrirhugaðri framkvæmd
og áhrifum hennar á umhverfi. Skipulagsstofnun óskar, með vísan til 6. gr. laga nr. 106/2000 m.s.b og 11. gr. reglugerðar nr. 1123/2005 um mat á
umhverfisáhrifum , umsagnar sveitarstjórnar Eyjafjarðarsveitar um hvort og á hvaða forsendum framkvæmdin skuli háð mati á umhverfisáhrifum
að teknu tilliti til 3. viðauka í lögum um mat á umhverfisáhrifum."
Með vísan til erindis Skipulagsstofnunar samþykkir skipulagsnefnd eftirfarandi:
Sá hluti fyrirhugaðrar framkvæmdar við lengingu flugbrautarinnar, sem er í Eyjafjarðarsveit, er vegalagning u.þ.b 400 m suður Hvammsflæðar vegna
aðflugsljósa Skipulagsnefnd Eyjafjarðarsveitar gerir fyrir sitt leyti ekki kröfu um lögformlegt umhverfismat. Nefndin bendir þó á að
óshólmasvæðið er á lista alþjóða fuglaverndarráðsins þar sem það telst alþjóðlega mikilvægt
fuglaverndunarsvæði. Kjarna- og Hvammsflæðar eru metnar sem sérstaklega mikilvægir áningarstaðir fugla að vori og mikilvægir
fæðuöflunarstaðir fyrir varpfugla á sumrin. þá er svæðið á náttúruminjaskrá vegna votlendisákvæða.
Verði framkvæmdir leyfðar vegan almannahagsmuna telur nefndin nauðsynlegt að allt rask af þeirra völdum yrði í algjöru lágmarki og að
þær færu fram á þeim árstíma sem minnstur skaði væri af varðandi afkomu fugla.
þá vill skipulagsnefnd benda á að sunnan núverandi flugbrautar liggur gamall þjóðvegur austur yfir ósólmasvæði
Eyjafjarðarár. þegar hann var aflagður var hann gerður að reið- og gönguleið og hefur sú notkun aukist mikið og leiðin nýtur
sívaxandi vinsælda. Nefndin telur því eðlilegt að það tilheyri fyrirhugaðri flugvallarframkvæmd að tryggja að ný göngu- og
reiðleið komi strax í stað þeirrar sem verður aflögð.
Fleira ekki gert og fundi slitið kl. 19.30.
