Tónlistarskóli Eyjafjarðar var stofnaður 1988 af eftirtöldum sveitarfélögum:
Arnarneshreppi, Skriðuhreppi, Öxnadalshreppi, Glæsibæjarhreppi, Saurbæjarhreppi, Hrafnagilshreppi, Öngulstaðarhreppi, Svalbarðsstrandarhreppi og Grýtubakkahreppi. Hríseyjarhreppur var aðili að skólanum fyrsta árið og Svalbarðsstrandarhreppur dró sig út 1996 en kom aftur að samlaginu haustið 2021.
Þau sveitarfélög sem standa að skólanum í dag eru Hörgárbyggð, Eyjafjarðarsveit, Svalbarðsstrandarhreppur og Grýtubakkahreppur.
Aðalstöðvar skólans eru í Skólatröð 11, sem er fyrrum heimavistarhúsnæði Hrafnagilsskóla, en einnig er kennt í Valsárskóla, Grenivíkurskóla og Þelamerkurskóla ásamt kennslu í húsnæði Menntaskólans á Akureyri.
Tónlistarskóli Eyjafjarðar starfar í nánum tengslum við grunnskólana á starfssvæðinu og sækja nemendur nám sitt á skólatíma.
Heimasíðu Tónlistarskóla Eyjafjarðar má sjá hér.
