Sumarstarf hafið á Hólavatni

Sumarstarf við Hólavatn hefst fimmtudaginn 7. júní en þann dag fer fyrsti hópur sumarsins. Það er Frumkvöðlaflokkur fyrir 7-8 ára börn sem fær heiðurinn af því að vera fyrsti hópurinn til að dvelja í nýju húsi sem nú verður tekið í notkun. Tæplega tvö hundruð börn eru skráð í sumar í átta dvalarflokka í júní og júlí en það er svolítil aukning frá fyrra ári. Fullbókað er í tvo flokka sumarsins en ennþá er hægt að bæta við krökkum í aðra hópa og má finna allar upplýsingar inn á heimasíðu félagsins www.kfum.is