Við minnum á að á föstudag rennur út umsóknarfrestur um þátttöku á Handverkshátíðinni 2016. Veðrið hér á sýningarsvæðinu er með besta móti í dag og við höfum náð góðum samningum við veðurguðina um að fá bongóblíðu helgina 4. – 7. ágúst.
Nú þegar hefur mikill fjöldi umsókna borist og stefnir í frábæra sýningu en að þessu sinni verður haldin landbúnaðarsýning samhliða Handverkinu og gerum við því ráð fyrir metfjölda gesta þetta árið. Okkur hefur þótt ánægjulegt að sjá að meðal umsækjenda er fjöldi nýrra sýnenda auk eldri sýnenda sem hafa verið með nánast frá upphafi.
Umsóknarfrestur rennur út föstudaginn 1. apríl. Rafrænt umsóknareyðublað er að finna undir "Umsókn" efst í valstikunni á heimasíðu Handverkshátíðar. Niðurstaða valnefndar liggur fyrir þann 2. maí 2016. Öllum umsóknum verður svarað.
