Eyjafjarðarsveit tekur upp Hvata/Abler frístundakerfið
Frá og með áramótum hefur Eyjafjarðarsveit tekið upp notkun Hvata/Abler frístundakerfisins til að halda utan um íþrótta- og tómstundastyrki barna. Með breytingunni er horfið frá beingreiðslum til forráðamanna gegn framvísun kvittana og í staðinn geta þeir ráðstafað styrknum rafrænt til niðurgreiðslu æfingagjalda í gegnum Abler frístundakerfið hjá viðkomandi íþrótta- og tómstundafélagi eða fyrirtæki.
Styrkirnir standa börnum og ungmennum á aldrinum 6–17 ára með lögheimili í sveitarfélaginu til boða. Markmiðið er að efla hreyfingu og félagsþátttöku. Fyrir árið 2026 nemur styrkurinn 60.000 krónum á hvert barn, en sveitarstjórn samþykkti 10.000 kr. hækkun frá fyrra ári.
Nýting styrkjanna fer fram í gegnum Abler-shop hjá viðkomandi félagi og greiðir Eyjafjarðarsveit styrkina beint til þeirra. Nú þegar hafa íþrótta- og tómstundastyrkir Eyjafjarðarsveitar tengst yfir 25 aðilum sem bjóða upp á fjölbreytt frístundastarf:
- Ungmennafélagið Samherjar
- Golfklúbbur Akureyrar
- KA - Blakdeild
- KA - Fimleikadeild
- KA - Handknattleiksdeild
- KA - Knattspyrnudeild
- KA - Júdódeild
- Skautafélag Akureyrar - Listhlaupadeild
- Skautafélag Akureyrar - Íshokkídeild
- Skátafélagið Klakkur
- Skíðafélag Akureyrar
- Ungmennafélag Akureyrar
- Þór - Handknattleiksdeild
- Þór - Hnefaleikadeild
- Þór - Píludeild
- Þór - Knattspyrnudeild
- Þór - Körfuknattleiksdeild
- Þór - Taekwondo deild
- Þór/KA
- 600 Klifur
- BJJ Atlantic AK
- Braggaparkið
- DSA - Dancestudíó Alice
- STEPS Dancecenter ehf.
- Bjarg Líkamsrækt
- Norður Akureyri
- World Class
Ný félög og fyrirtæki sem hyggjast taka við frístundastyrk Eyjafjarðarsveitar þurfa að sækja um tengingu við Hvata/Abler-kerfið hjá forstöðumanni íþróttamiðstöðvar Eyjafjarðarsveitar Karli Jónssyni itrottamidstod.forstodumadur@esveit.is
Nánar er hægt að lesa um íþrótta- og tómstundastyrki barna hér
