Tryggvi íþróttakennari við Hrafnagilsskóla hlaut viðurkenningu fyrir framúrskarandi beitingu námsmats í skólaíþróttum þann 28. maí síðastliðinn. Viðurkenningin er veitt af Íþróttafræðideild Háskólans í Reykjavík sem vill með henni varpa ljósi á áhrifaríkar og hvetjandi aðferðir við kennslu í skólaíþróttum. Í ár var óskað eftir umsóknum og tilnefningum sem lýsa framúrskarandi notkun námsmats og voru íþróttakennarar heiðraðir sem hafa nýtt námsmat á árangursríkan og hvetjandi hátt fyrir nemendur í skólaíþróttum og þannig skapað jákvætt námsumhverfi í faginu.
Áherslan á námsmat fellur vel að nýuppfærðum hæfniviðmiðum í skólaíþróttum í aðalnámsskránni. Námsmat er einn af hornsteinum vandaðrar kennslu og útfærsla þess tengir saman markmið fagsins við þær aðferðir sem notaðar eru til kennslunnar. Mikilvægt er að umsækjendur sýni fram á tengingu hæfniviðmiða, lykilhæfni og matsviðmiða Aðalnámskrár grunnskóla við námsmatið sjálft.
Við óskum Tryggva Jóhanni innilega til hamingju með þennan frábæra árangur og þökkum honum fyrir áralangt faglegt starf og metnað.
