Auglýsingablaðið

Auglýsingablað 1289. tbl. 16. árg. þriðjudaginn 13. maí 2025.

Vinnuskóli 2025
Opið er fyrir rafrænar skráningar í vinnuskólann sumarið 2025 – miðað er við að skráningu sé lokið 20. maí.
https://www.esveit.is/is/thjonusta/menntun-1/vinnuskoli

Aldur   F.ár      Laun með orlofi   Orlof 13,04%         Laun án orlofs   Hlutfall af l.fl. 117
14 ára 2011    1.509 kr.                 174,1 kr.                 1.335 kr.              44%
15 ára 2010    1.646 kr.                 189,9 kr.                 1.456 kr.              48%
16 ára 2009    2.092 kr.                 241,3 kr.                 1.851 kr.              61%

Umferðaröryggisáætlun
Atvinnu- og umhverfisnefnd kallar eftir ábendingum frá íbúum Eyjafjarðarsveitar um hvar umferðaröryggi er ábótavant í sveitarfélaginu. Ábendingar óskast sendar á netfangið esveit@esveit.is fyrir 21. maí nk.

Umferðaröryggisáætlun 2022 er að finna á heimasíðu Eyjafjarðarsveitar https://www.esveit.is/static/files/Umferdaroryggismal/22.05.06-umferdaroryggisaaetlun-eyjafjardarsveitar-utgefin.pdf

Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.”

Vinsamleg ábending til hundaeigenda sem ganga meðfram Eyjafjarðará, á meðan á varptíma stendur, að takmarka lausagöngu hunda sinna þar yfir þennan tíma.

Í samþykktinni kemur einnig fram, í 9. gr., að ef dýrin valda nágrönnum eða öðrum ónæði, óþrifum eða tjóni þá er eiganda eða umráðamanni skylt að leita leiða til að koma í veg fyrir slíkt. Dýrin skulu bera ól með tengiliðaupplýsingum og er eiganda eða umráðamanni ávallt skylt að fjarlægja saur eftir dýr sitt.

Sé ónæði af völdum katta og/eða hunda má hafa samband í vaktsíma 463-0615.

Sveitarstjóri.

Perlur Bítlanna í Laugarborg
Kirkjukór Grundarsóknar og Samkór Dalvíkurbyggðar flytja, ásamt hljómsveit, tólf af perlum Bítlanna í Laugarborg fimmtudagskvöldið 15. maí kl. 20:00. Útsetningar og stjórnendur: Þorvaldur Örn Davíðsson og Þórður Sigurðarson.
Ókeypis inn – allir velkomnir meðan húsrúm leyfir.

Af hveru ekki að gera sér dagamun, skellið ykkur á tónleika í Laugarborg?! Júrovision er hægt að horfa á hvenær sem er en þessir tónleikar verða bara þetta kvöld hér í sveit.

Iðunnarkvöld – Kvenfélagið Iðunn
Fimmtudagskvöldið 22. maí kl. 20:00, við ætlum að breyta til og vera í Félagsborg í þetta sinn. Endilega grípið létta handavinnu með ykkur ef þið vilið. 1. flokks veitingar á boðstólum í boði 2. flokks ;-)