Fréttayfirlit

Um er að ræða 50%. Viðkomandi þarf að geta hafið störf sem allra fyrst. Vinnutími er á dagvinnutíma, frá kl. 12:00 – 16:00 nema á föstudögum, þá frá 12:00 - 16:30. Óskað er eftir jákvæðum og traustum einstaklingi sem á auðvelt með samskipti og sveigjanleika í starfi. Launakjör eru samkvæmt kjarasamningi Einingar-Iðju og Launanefndar sveitarfélaga. Umsóknarfrestur er til 27. apríl n.k. Allar nánari upplýsingar veitir Hugrún Sigmundsdóttir skólastjórnandi í síma 464-8120/ 892-7461, netfang hugruns@krummi.is

Textílfélagið er 40 ára í ár. Mikið er um að vera á vegum félagsins í tilefni af afmælinu og er meiningin að ekki færri en einn viðburður verði í hverjum mánuði, víðsvegar um landið. Meðal atburða eru sýningar og námskeið. Þátttaka í sýningarhaldi hér í Eyjafirði er að tilstuðlan Guðrúnar Höddu í Dyngju Listhúsi í landi Fífilbrekku. Guðrún Hadda tekur á móti samstarfskonum sínum úr Textílfélaginu og munu félagar sýna þar verk sín. Um er að ræða útiverk sem standa munu út sumarið. Opnun sýningarinnar verður sumardaginn fyrsta, 24. apríl kl. 12.00 .

Á yfirstandandi skólaári hefur verið gerð tilraun með samþættingu skólaaksturs og almenningssamgangna í sveitarfélaginu. Rannsókna- og þróunarmiðstöð Háskólans á Akureyri var fengin til að gera könnun í Eyjafjarðarsveit um ýmis mál þessu tengd í sveitarfélaginu.

Laugardagurinn 10. maí 2014 er viðmiðunardagur kjörskrár vegna sveitarstjórnarkosninganna sem hafa verið auglýstar þann 31. maí n.k..

FUNDARBOÐ 446. fundur sveitarstjórnar Eyjafjarðarsveitar verður haldinn í matsal Hrafnagilsskóla, miðvikudaginn 9. apríl 2014 og hefst kl. 15:00

Vistvæn hráefni setja sterkan svip á Handverkshátíð 2014 sem haldin verður í 22. sinn í Eyjafajarðarsveit 7.-10. ágúst. Mikill fjöldi umsókna hefur borist hátíðinni og endurspeglar hún alla jafna það sem hæst ber í handverki hverju sinni; verk, framleiðsluaðferðir og hráefni.

Fimmtudagskvöldið 27. mars kl. 20:00 í mötuneyti Hrafnagilsskóla mun Guðný Hallgrímsdóttir flytja erindi um sögu Guðrúnar Ketilsdóttur, sem vann á fjölmörgum bæjum sveitarinnar á 18. öld. Margt fróðlegt kemur þar fram um lífshætti og menningu þess tíma. Guðrún fæddist á Sámsstöðum 1759 og er sjálfsævisaga hennar líklega elsta varðveitta sjálfsævisaga íslenskrar alþýðukonu. Erindið og veitingar eru í boði Menningarmálanefndar.

Opnunartími um páskana í Íþróttamiðstöð Eyjafjarðarsveitar verður eftirfarandi: Skírdagur 10.00-20.00 Föstudagurinn langi 10.00-20.00 Laugardagur 10.00-20.00 Páskadagur 10.00-20.00 Annar í páskum 10.00-20.00

Hátíðin sem nú verður haldin í 22. sinn velur ríflega 100 sýnendur úr fjölda umsókna. Þeir eru lærðir sem leikir af öllu landinu og selja fjölbreytt handverk og hönnun. Stemningin á sýningarsvæðinu er einstök, það sanna þær 15-20 þúsund heimsóknir sem sýningin fær nú árlega. Hátíðin fer fram dagana 7. – 10. ágúst og rennur umsóknarfresturinn út 1. apríl.

Fimmtudaginn 13. mars fór fram 93. ársþing UMSE. Þingið var haldið að Rimum í Svarfaðardal í umsjón Umf. Þorsteins Svörfuðar. Vel var mætt á þingið og voru þátttakendur alls 44, fulltrúar frá aðildarfélögum og stjórn, gestir og starfsmenn þingsins.