Fréttayfirlit

Sunnudaginn 20. október verður guðsþjónusta í Grundarkirkju kl. 11:00. Kór sem heitir Kórinn og starfar í Reykjavík mun koma í heimsókn og taka þátt í messunni. Kórstjóri er Krisztina Kalló, organisti í Árbæjarkirkju. Kórinn mun syngja kafla úr ,,stuttu messunni“ eftir Gounod.

Vegna óviðráðanlegra orsaka frestast söfnun baggaplasts í Eyjafjarðarsveit til morguns.

Hrossasmölun verður föstudaginn 11. október og hrossaréttir laugardaginn 12. október sem hér segir: Þverárrétt hefst kl. 10:00 og Melgerðismelarétt kl. 13:00. Gangnaseðlar verða sendir þeim sem lagt er á og einnig birtir á netinu. Fjallskilanefnd

437. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, miðvikudaginn 2. október 2013 og hefst kl. 12:00

Nú er fyrsti þátturinn af fjórum „Óvissuferð í Eyjafirði“ að fara í loftið. Þeir verða sýndir á N4 á fimmtudögum kl:18:30 allan október. Þættirnir sýna brot af því sem fjörðurinn hefur upp á að bjóða í vetrarferðaþjónustu. Sjáið myndbrot hér fyrir neðan.

Almenningi er boðið að ferðast með skólabílum að Hrafnagilsskóla á morgnana. Þaðan er síðan ferð sem fer til Akureyrar kl. 7:45 og stöðvar þar sem þörf er á eins og við Skautahöllina, VMA og MA. Á seinasta sveitarstjórnarfundi var ákveðið að bæta við þessa þjónustu og bjóða upp á akstur til baka inn í sveitarfélagið.

Á fundi sveitarstjórnar 11. september var fyrirhuguðum flutningi flugvallarins úr Vatnsmýrinni mótmælt.

Mánudaginn 9. september 2013 voru opnuð tilboð í byggingarrétt á lóðum í Bakkatröð skv. auglýstu útboði.

436. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, miðvikudaginn 11. september 2013 og hefst kl. 12:00

Aldursflokkamót UMSE var haldið á Þórsvellinum á Akureyri í síðustu viku, nánar tiltekið 3.-4. sept. Mótið fór mjög vel fram og sýndu keppendur frábær tilþrif á vellinum. Um 120 keppendur frá 9 félögum voru skráðir til leiks, en keppt var í fjölmörgum greinum í mörgum aldursflokkum. Veðrið lék við keppendur, þó heldur hafi tekið að kólna seinnipart daganna. Mótið var jafnframt stigakeppni aðildarfélaga UMSE.