Fréttayfirlit

SKRÁNING HEFST 19. APRÍL Verkefnið Hjólað í vinnuna fer fram 3. - 23. maí nk. Opnað verður fyrir skráningar 19. apríl. Hægt er að skrá sig allan tímann á meðan keppni stendur yfir eða fram til 23. maí. Fyrirtæki og stofnanir um allt land geta nú farið að huga að því að skrá vinnustaðinn til leiks og hvetja þannig allt starfsfólk til að vera með. Það er alltaf mikilvægt fyrir vinnustaði landsins að huga að starfsandanum og er verkefnið Hjólað í vinnuna góð leið til þess að hressa upp á stemninguna og þjappa hópnum saman. Þó svo að margir vinnustaðir gefi starfsfólki færi á að vinna heima útilokar það ekki þátttöku. Útfærslan er einföld. Fólk gengur, hjólar eða ferðast með öðrum virkum hætti þá vegalengd sem samsvarar vegalengd til og frá vinnu og skráir þá kílómetra inn í kerfið. Hægt er að byrja eða enda vinnudaginn á því að ganga eða hjóla til og frá vinnu. Markmið verkefnisins er að huga að daglegri hreyfingu og vekja í leiðinni athygli á virkum ferðamáta, en hjólreiðar eru bæði virkur og umhverfisvænn ferðamáti. Íþrótta- og Ólympíusamband Ísland hvetur landsmenn til þess að hjóla, ganga, hlaupa eða nýta almenningssamgöngur til og frá vinnu í þessar þrjár vikur og taka þátt í þessu skemmtilega verkefni sem Hjólað í vinnuna er. Hjólreiðar eru frábær útivist, hreyfing og líkamsrækt. Munum bara að á mörgum stöðum þurfum við að deila göngustígum með bæði gangandi og hlaupandi fólki. Munum eftir tillitsseminni, hjálminum og bjöllunni. Íþrótta- og Ólympíusamband Ísland hvetur landsmenn alla til að hreyfa sig daglega, minnst 30 mínútur á dag.

Verið velkomin á Loftslagsdaginn 2023 þann 4. maí í Hörpu og beinu streymi. Skráning er hafin: Skráningarsíða Athugið að það er takmarkaður fjöldi sæta í sal í boði. Dagskrá Á Loftslagsdeginum ætlum við að fjalla um stöðu Íslands í loftslagsmálum á mannamáli. Við ætlum að leita svara við eftirfarandi spurningum: Hvernig miðar okkur í átt að kolefnishlutleysi? Hvaða breytingar þurfum við að gera á samfélaginu til að ná kolefnishlutleysi? Hvernig skila peningarnir árangri? Á meðal fjölda spennandi fyrirlesara eru: Daniel Montalvo, sérfræðingur í sjálfbærri auðlindanýtingu og iðnaði, Umhverfisstofnun Evrópu Nicole Keller, teymisstjóri í teymi losunarbókhalds, Umhverfisstofnun Tinna Hallgrímsdóttir, sérfræðingur í loftslagsáhættu og sjálfbærni hjá Seðlabanka Íslands Tómas Njáll Möller, formaður Festu og yfirlögfræðingur Lífeyrissjóðs verzlunarmanna Matthildur Sveinsdóttir, sviðsstjóri hjá Neytendastofu Sverrir Norland, rithöfundur, útgefandi og fyrirlesari Dagskráin byggir á fjölbreyttum erindum, pallborðsumræðum og spurningum frá almenningi og tækifærum til að blanda geði. Skoða dagskrá Fyrir hverja? Loftslagsdagurinn er hugsaður fyrir: Almenning Stjórnvöld Atvinnulífið Fjölmiðla Vísindasamfélagið Nemendur Öll áhugasöm um loftslagsmál Hlökkum til að sjá ykkur sem flest í Hörpu eða beinu streymi þann 4. maí! Heimasíða Loftslagsdagsins Viðburðurinn á Facebook Umhverfisstofnun

Óskum eftir að ráða karlmann til starfa í vaktavinnu í sundlauginni í sumar. Umsóknarfrestur er til og með 3. maí 2023. Umsóknum þarf að fylgja ferilskrá og upplýsingar um meðmælendur. Tekið er á móti umsóknum á netfangið sundlaug@esveit.is. Nánari upplýsingar um starfið og fyrirkomulag vakta gefur Karl í síma 691-6633.

Dagana 2.–5. maí stendur yfir skráning nýrra nemenda í Hrafnagilsskóla. Foreldrar og forráðamenn eru beðnir um að skrá nemendur í verðandi 1. bekk (börn fædd 2017) og einnig aðra nýja nemendur sem væntanlegir eru í skólann næsta haust. Á sama tíma er tekið á móti tilkynningum um flutning nemenda af svæðinu. Þeir sem ætla að notfæra sér frístund næsta vetur (fyrir nemendur í 1.-4. bekk) eru beðnir að tilkynna það þessa sömu daga, skráning er ekki bindandi. Skráning fer fram hjá ritara skólans milli kl. 9:00-14:00 í síma 464-8100. Skólastjóri.

Við ætlum að opna dyrnar upp á gátt og bjóða vörur okkar og þjónustu. Við leggjum mikinn metnað í það sem við bjóðum upp á og fjölbreytnin er gríðarleg. Skellið ykkur á rúntinn í Eyjafjarðarsveit og kynnið ykkur málið.

Seinni undankeppni Fiðrings á Norðurlandi fer fram í Laugarborg 19. apríl kl 20. Þetta er hæfileikakeppni grunnskólanna í anda Skrekks í Reykjavík og Skjálftans á Suðurlandi. Sex grunnskólar etja kappi í Laugarborg; Hrafnagilsskóli, Borgarhólsskóli, Þelamerkurskóli, Síðuskóli, Oddeyrarskóli og Lundarskóli. Villi Vandræðaskáld kynnir og dómnefnd skipa Vala Fannell leikari og leikstjóri, Kolbrún Lilja Guðnadóttir leikari og leikstjóri og Elva Sól, fulltrúi úr ungmennaráði Akureyrar. Menningarfélag Akureyrar stendur á bak við viðburðinn með dyggum stuðningi SSNE, Barnamenningarsjóðs, Samfélagssjóðs Landsbankans og þátttökuskólanna tólf. Þrír skólar komast örugglega áfram í úrslitin sem fara fram í HOFI 25.apríl og einnig verða tilkynntir tveir skólar til viðbótar en óvíst hvort þeir komi frá fyrra undankvöldi eða seinna eða hvor frá sínu. Miðinn kostar 1500 kr og hægt er að nálgast þá hér: https://tix.is/is/mak/event/15194/undankeppni-fi-rings-2023/ Nemendur hafa unnið að eigin hugmyndum á vorönn og sjá líka um alla umgjörð eins og búninga, leikmynd, dansa ofl. Það er spennandi að sjá hvað ungmennum okkar liggur helst á hjarta og hvernig þau tjá það.

FUNDARBOÐ 608. fundur sveitarstjórnar Eyjafjarðarsveitar verður haldinn í fundarstofu 2, Skólatröð 9, þriðjudaginn 18. apríl 2023 og hefst kl. 08:00 Dagskrá: Fundargerðir til staðfestingar 1. Skipulagsnefnd Eyjafjarðarsveitar - 387 - 2303006F 1.1 2211014 - Rammahluti aðalskipulags 1.2 2302021 - Ytri-Varðgjá - beiðni um framkvæmdaleyfi fyrir stíg við strandlengjuna 1.3 2303019 - Sigtún - umsókn um stofnun lóðar undir íbúðarhús 1.4 2303001 - Tillögur að götuheitum í Hrafnagilshverfi 1.5 2303024 - Espihóll - umsókn um stofnun landeignarinnar Espilaut 1.6 2303029 - Hríshóll - ósk um byggingarreit fyrir viðbyggingu við núverandi fjós Fundargerðir til kynningar 2. Molta - 109. stjórnarfundur - 2303032 3. Minjasafnið á Akureyri - 6. fundargerð stjórnar - 2303036 4. Minjasafnið á Akureyri - 7. fundargerð stjórnar - 2303037 5. SSNE - Fundargerð 51. stjórnarfundar - 2304002 6. Samband íslenskra sveitarfélaga - fundargerð 921 - 2304006 7. Norðurorka - Fundargerð 285. fundar - 2304013 8. Norðurorka - Fundargerð 284. fundar - 2304012 Almenn erindi 9. Skipan í nefndir og ráð 2022 til 2026 - 2205018 12. Íbúafundur um viðburðahald í Eyjafjarðarsveit - 2304014 Almenn erindi til kynningar 10. Eigendafundur Norðurorku hf. 19. apríl 2023 - 2303035 11. Norðurorka - Aðalfundur 25. apríl 2023 - 2303034 15.04.2023 Stefán Árnason, skrifstofustjóri.  

Fjallað verður um brýr í víðu samhengi og litið til fortíðar, nútíðar og framtíðar. Saga brúa á Íslandi og framtíðaráskoranir verða til umfjöllunar, farið verður yfir stöðuna á einbreiðum brúm, sagt frá nýrri brú yfir Þorskafjörð og fyrirhuguðum brúm yfir Ölfusá og Fossvog. Þá verður hönnun brúa í tengslum við náttúruhamfarir, áhrif loftslagsbreytinga og áskoranir verktaka í brúargerð einnig til umfjöllunar.  Meðal fyrirlesara eru erlendir brúarverkfræðingar, íslenskir sérfræðingar, verktakar í brúargerð og fræðimenn. Ráðstefnugjald er 9.000 kr. og afsláttur veittur eldri borgurum og námsfólki. Innifalið í því er aðgangur, veitingar í kaffihléum, hádegisverður og móttaka að ráðstefnu lokinni. Hér er hægt að skrá sig: https://www.eventure-online.com/eventure/participant/invitee.form?898aa2a0-3a9b-4365-a1ff-dc92c29957e5 Hópskráning fer fram með því að senda póst á netfangið: thorunn@athygliradstefnur.is Nánari upplýsingar eru á vef Vegagerðarinnar.

Sveitarstjórn Eyjafjarðarsveitar samþykkti á 607. fundi sínum 30. mars 2023 að vísa skipulagslýsingu fyrir Rammahluti Aðalskipulags Eyjafjarðarsveitar 2018-2030 og Aðalskipulags Svalbarðsstrandarhrepps 2008-2020, sem felur í sér breytingu á núgildandi aðalskipulögum, í kynningarferli samkvæmt 1. mgr. 30. gr. skipulagslaga nr. 123/2010. Lýsingin er upphaf skipulagsvinnu við rammahluta aðalskipulags fyrir þróun byggðar í Vaðlaheiði. Í lýsingunni koma fram upplýsingar um forsendur, viðfangsefni og fyrirhugað skipulagsferli og með kynningu á henni gefst íbúum og hagsmunaaðilum kostur á að leggja fram ábendingar og sjónarmið við upphaf skipulagsvinnu. Skipulagslýsingin er aðgengileg á sveitarskrifstofu Eyjafjarðarsveitar, Skólatröð 9 Hrafnagilshverfi, milli 4. apríl og 3. maí 2023 á auglýstum opnunartíma skrifstofu kl. 10:00-14:00, sem og á heimasíðu sveitarfélagsins, www.esveit.is. Þeim sem telja sig eiga hagsmuna að gæta er gefinn kostur á að koma athugasemdum á framfæri til miðvikudagsins 3. maí 2023. Athugasemdir skulu vera skriflegar og skulu berast til Skipulags- og byggingarfulltrúa Eyjafjarðar, Skólatröð 9 Hrafnagilshverfi, 605 Akureyri, eða í tölvupósti á netfangið sbe@sbe.is. Skipulagsfulltrúi.

Bókasafnið fer í páskafrí Síðasti opnunardagur safnsins fyrir páska er föstudagurinn 31. mars. Þá er opið frá kl. 14.00-16.00. Opnum aftur eftir páska þriðjudaginn 11. apríl. Minnum annars á opnunartíma safnsins: Þriðjudagar frá 14.00-17.00. Miðvikudagar frá 14.00-17.00. Fimmtudagar frá 14.00-18.00. Föstudagar frá 14.00-16.00 Best er að ganga um dyr að austan (kjallari íþróttahúss) eða um sundlaugarinngang.