Fréttayfirlit

Opið er fyrir rafrænar skráningar í vinnuskólann sumarið 2025 – miðað er við að skráningu sé lokið 20. maí.

Frá og með þriðjudeginum 6.maí verður eingöngu hægt að greiða með rafrænu klippikorti á gámasvæði/endurvinnslustöð sveitarfélagsins í Hrafnagilshverfi. Klippikortið tekur mið af gjaldskrá sveitarfélagsins og er eitt klipp fyrir hverja 0,25 rúmmetra af gjaldskildum úrgangi. Samsvarar það um einum stórum ruslapoka.

Dagana 5. – 10. maí stendur yfir skráning nýrra nemenda í Hrafnagilsskóla. Foreldrar og forráðamenn eru beðnir um að skrá nemendur í verðandi 1. bekk (börn fædd 2019) og einnig aðra nýja nemendur sem væntanlegir eru í skólann næsta haust. Á sama tíma er tekið á móti tilkynningum um flutning nemenda af svæðinu.

Starfstími vinnuskólans er frá byrjun júní fram í ágúst. Nánari upplýsingar um starfið gefur Davíð forstöðumaður eignasjóðs, í síma 894-3118 eða á david@krummi.is 

Nú vantar okkur áhugasama og metnaðarfulla deildarstjóra og leikskólakennara til starfa. Leikskólinn Krummakot flytur í nýtt og glæsilegt húsnæði þar sem öll aðstaða fyrir nemendur og starfsfólk verður til fyrirmyndar og hugað er sérstaklega að góðri hljóðvist og lýsingu.

FUNDARBOÐ 654. fundur sveitarstjórnar Eyjafjarðarsveitar verður haldinn í fundarstofu 2, Skólatröð 9, þriðjudaginn 29. apríl 2025 og hefst kl. 08:00.

Hrafnagilsskóli er grunnskóli í dreifbýli um 12 km fyrir innan Akureyri og eru um 180 nemendur í skólanum. Sýn Hrafnagilsskóla byggir á skilningi, fagmennsku og dyggðum. Agastefna skólans er Jákvæður agi og meðal sérkenna skólans er umhverfismennt, öflug list- og verkgreinakennsla ásamt nýtingu tækni til náms. Heimasíða Hrafnagilsskóla er www.krummi.is.

Atvinnu- og umhverfisnefnd hvetur íbúa sveitarinnar til að tína rusl í veðurblíðunni og e.t.v. stinga upp illgresi í kringum sig. Kjörið er að nýta Stóra Plokkdaginn, sem er landsátak í ruslatínslu, til útveru og tiltektar.  Ýmislegt rusl liggur nú í vegköntum og rúlluplast á girðingum hér og þar eftir snjóléttan vetur. Með sameiginlegu átaki gerum við sveitina okkar fallega.

Atvinnu- og umhverfisnefnd kallar eftir ábendingum frá íbúum Eyjafjarðarsveitar um hvar umferðaröryggi er ábótavant í sveitarfélaginu. Ábendingar óskast sendar á netfangið esveit@esveit.is fyrir 21. maí nk. Umhverfisáætlun 2022 er að finna á heimasíðu Eyjafjarðarsveitar https://www.esveit.is/static/files/Umferdaroryggismal/22.05.06-umferdaroryggisaaetlun-eyjafjardarsveitar-utgefin.pdf

Opnar dyr í Eyjafjarðarsveit á sumardaginn fyrsta 24. apríl 2025 kl. 13:00-17:00