Viðburðir

Nú þegar félagsstarfinu lýkur, þá taka við göngutúrarnir og ætlum við að hittast á þriðjudögum kl. 14.00. Þá er lagt af stað.

21. júní verður haldin Bæjakeppni á Melgerðismelum. Hefst með skráningu kl. 13 og keppnin hefst kl. 14. Skráning á staðnum, keppt verður í polla-, barna-, unglinga-, ungmenna-, kvenna- og karla flokki Verðlauna afhending í Funaborg eftir keppni og sjoppusala. Hlökkum til að sjá sem flesta.

Skemmtinefnd Funa stendur fyrir messureið í Möðruvallakirkju í Eyjafjarðarsveit þann 21. júní. Prestur er Jóhanna Gísladóttir og Jódísir syngja nokkur lög. Lagt verður af stað frá réttinni á Melgerðismelum klukkan 20. Á Möðruvöllum verður búið að koma upp hólfi fyrir hrossin. Kaffi og kleinur á boðstólnum eftir messuna. Vonumst til að sjá sem flesta.

Hin árlega tónleikaröð Hælisins í boði Hollvina Hælisins fagnar komu ungmennkórsins Gleym-mér-ei, Birnu Eyfjörð og Svavars Knúts!

Ungmennakórinn Geym-mér-ei. Ungmennin höfðu áður sungið saman í barnakór Akureyrarkirkju og myndað þar sterk og góð tengsl og langaði að syngja meira saman. Þá tóku þau málin í sínar hendur og stofnuðu bara kórinn sjálf.

Stórskemmtilegt söng- og leiklistarnámskeið þar sem sköpuð er glæný og glæsileg sýning og sýnt fyrir aðstandendur. Stútfullt af leikjum, söng og sprelli!

Birna Eyfjörð Þorsteinsdóttir frá Grenivík. Hún hefur mikið fengist við kvikmyndatónlist en hefur að undanförnu sinnt eigin tónlistarsköpun og gaf út á dögunum lagið Leiddu mig og stefnir á útgáfu á sinni fyrstu smáskífu á næstunni.