Fréttayfirlit

Föstudaginn 8. júní kl. 20 verða haldnir tribute tónleikar, Elton John til heiðurs. Þar verða fluttar sígildar perlur sem og nokkur minna þekkt lög. Kaffi verður í boði en aðra drykki þarf fólk að koma með sjálft. Sala á miðum er í Eymundsson og kostar miðinn 1500 kr.

Ester Stefánsdóttir framkvæmdastjóri Handverkshátíðar og Landbúnaðarsýningar við Hrafnagilsskóla fékk á dögunum afhenta gjöf frá Fríðu Gylfadóttur listakonu í Fjallabyggð, en það var hluti Héðinsfjarðartrefilsins. Forsaga trefilsins er sú að árið 2010 stóð Fríða fyrir sameiginlegu prjónaátaki heimamanna og gesta í Fjallabyggð og var tilefnið opnun Héðinsfjarðarganga um haustið. Þá höfðu Fríða og félagar prjónað 17 km langan trefil sem tákn um sameiningu og samtöðu.

Sumarstarf við Hólavatn hefst fimmtudaginn 7. júní en þann dag fer fyrsti hópur sumarsins. Það er Frumkvöðlaflokkur fyrir 7-8 ára börn sem fær heiðurinn af því að vera fyrsti hópurinn til að dvelja í nýju húsi sem nú verður tekið í notkun.

Þann 1. júní tók gildi ný æfingatafla hjá Samherjum sem gildir út ágúst.

Á fundi sveitarstjórnar Eyjafjarðarsveitar 15. maí s.l. var eftirfarandi bókun samþykkt: „Sveitarstjórn Eyjafjarðarsveitar skorar á þingmenn að samþykkja frumvarp til laga um heimild til ráðherra f.h. ríkissjóðs til að fjármagna gerð jarðgangna undir Vaðlaheiði. Vaðlaheiðargöng eru ekki á samgönguáætlun þar sem þau byggja á greiðslu veggjalda. Framkvæmdin tekur því ekki fjármagn frá öðrum brýnum vegaframkvæmdum. Vaðlaheiðargöng eru ásamt öðrum mikilvægum framkvæmdum í vegamálum s.s. styttingu þjóðvegar 1 um 13 km við Blönduós nauðsynleg framkvæmd til að styðja við uppbyggingu atvinnulífs á landsbyggðinni. Sérstaklega er þetta mikilvægt nú á tímum hækkandi orkuverðs og flutningskostnaðar sem gerir fyrirtækjum á Norður- og Austurlandi sífellt erfiðara að standast samkeppni við fyrirtæki sem staðsett eru á stærsta markaðssvæði landsins. Stytting þjóðvegar 1 við Blönduós er líklega með allra hagkvæmustu framkvæmdum sem fyrirfinnast á landinu. Þá mun stytting á norðurleiðinni milli Reykjavíkur og Austurlands verða til þess að fleiri velja hana frekar en suðurleiðina og þannig munu þessar framkvæmdir styrkja enn frekar byggð og atvinnustarfsemi á Vestur- og Norðurlandi.”

Umsóknarfrestur um starf skólastjóra Hrafnagilsskóla er liðinn. Fyrirtækið Capacent Ráðningar sér um ráðningarferlið fyrir sveitarfélagið og mun nú fara yfir þær umsóknir sem bárust.

Undirbúningur Handverkshátíðar og Landbúnaðarsýningar við Hrafnagilsskóla 2012 er kominn á fullan skrið og gengur vel að sögn Esterar Stefánsdóttur framkvæmdastjóra sýninganna. „Kvenfélagskonurnar okkar eru að leggja lokahönd á að prjóna utan um traktorinn á Kristnesi.“

Þetta er bara prufa

Í samræmi við ákvörðun sveitarstjórnar Eyjafjarðarsveitar, 17. apríl 2012, er hér með auglýst tillaga að deiliskipulagi íbúðarreits ÍS15 að Jódísarstöðum, skv. 41. gr. skipulagslaga nr. 123/2010. Deiliskipulagstillaga

Í samræmi við ákvörðun sveitarstjórnar Eyjafjarðarsveitar, 16 ágúst 2011, er hér með auglýst tillaga að breytingu á aðalskipulagi Eyjafjarðarsveitar 2005-2025, vegna landnotkunar að Syðri-Varðgjá, skv. 31. gr. skipulagslaga nr. 123/2010.